Konfirmohet prania e variantit Delta në Shqipëri - Business Magazine Albania

Konfirmohet prania e variantit Delta në Shqipëri

variantit Delta

Autoritetet e shëndetësisë njoftuan se është konfirmuar edhe në Shqipëri, prania e variantit Delta.

Pak javë më parë Ministria e Shëndetësisë bëri të ditur se në rastet e reja me koronavirus, ishin vënë re sinjale të pazakonta në mostrat e analizuara. Ato u dërguan në laboratorë të specializuar në Gjermani, nga ku erdhi edhe përgjigja se i përkasin variantit Delta.

Në njoftimin zyrtar nuk jepen të dhëna se sa raste janë konfirmuar dhe nga cilat zona të vendit kanë qenë personat e prekur. Konfirmimi i qarkullimit të këtij varianti, i cili paraqitet me rrezikshmëri të lartë sa i përket përhapjes, përkon, sipas autoriteteve me rritjen e infektimeve në dy javët e fundit.

Lexoni: Nis java e vaksinimit të hapur për të gjithë qytetarët mbi 18 vjeç

Nëse në fund të qershorit kishte vetëm 53 raste aktive në të gjithë vendin, aktualisht janë 280 të tillë, ose pesë herë më shumë.

Autoritetet përsëritën sot thirrjet drejtuar qytetarëve për respektimin e masave parandaluese. “Varianti Delta i infeksionit Sars-Cov2 është varianti më i transmetueshëm, ndaj respektimi i masave të distancimit fizik, vendosja e maskave në ambientet e brendshme dhe higjiena, janë thelbësore për kufizimin e përhapjes së virusit”, theksohet në njoftimin zyrtar të Ministrisë së Shëndetësisë. Por në fakt, prej kohësh, masat thuajse nuk zbatohen. Pavarësisht detyrimit për mbajtjen në mjediset e mbyllura, maskat rrallë shihen të përdoren.

Shqipëria ndërkohë ka hapur pa asnjë lloj kufizimi apo kontrolli, kufijtë e saj për turistët e huaj, të cilët mund të hyjnë lirshëm pa asnjë lloj detyrimi për të dëshmuar nëse janë ose jo të vaksinuar, apo nëse kanë një test të 48 apo 72 orëve të fundit.

Në total deri tani, vetëm 637 mijë qytetarë, ose 22.7% e popullatës, kanë marrë vaksinën, nga të cilët 496 mijë të dyja dozat. Ministria e Shëndetësisë bën vazhdimisht “thirrje për vaksinim masiv, për të frenuar përhapjen e virusit të rrezikshëm”. Prej ditësh, kanë rinisur vaksinimet e hapura për çdo qytetar +18 vjeç në qendrat e vaksinimit kudo në vend.

Lexoni: Kina gati të pranojë se koronavirusi doli aksidentalisht nga laboratori i Wuhanit?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0