Filloni duke vizituar faqet e internetit dhe platformat e mediave sociale më të rëndësishme për produktin ose shërbimin tuaj. Këto mund të jenë Yelp, Amazon, ose faqe të tjera, ose mund të jetë edhe një grup lokal në Facebook. Nëse kompania juaj është business-to-busienss (B2B), kjo metodë mund të jetë më pak efektive, por përpiquni të vizitoni çdo forum në internet ose faqet e review-ve ku klientët tuaj dhe klientët potencialë diskutojnë për produktet.
Kudo që të shkoni, shikoni për shprehjet e mëposhtme:
- E dashuroj … Kjo do t’ju ndihmojë më së shumti kur zbatohet për një produkt apo karakteristikë të produktit që është vlerësuar me të vërtetë.
- Vetëm nëse… Shprehja “Vetëm nëse” do ta bëjë shumë të qartë se çfarë mungon në produktin ose shërbimin tuaj.
- Urrej … Kushtoji vëmendje të veçantë këtyre komenteve që, siç tregon Evans, “urrejtja” është një ndjenjë shumë e fortë, por është gjithashtu një mundësi e madhe.
- Dëshiroj … Deklaratat si “Dëshiroj” ofrojnë një çelës të madh për atë se çfarë produktesh mund të krijoni apo cilat karakteristika mund të shtoni në ofertën tuaj për ta bërë atë më tërheqës për klientët.
Shqyrtoni përdorimin e këtyre frazave për t’ju ndihmuar të krijoni ide për produkte, shërbime ose veçori të reja që mund t’ju ndihmojnë të veçoheni nga konkurrenca juaj.
burimi: INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
