Ja cila është mosha ideale për të nisur një biznes - Business Magazine Albania

Ja cila është mosha ideale për të nisur një biznes


Nëse jeni në të 40-at apo 50-at, mund të mendoni se është tepër vonë për të filluar një biznes. Po mendoni gabim: Është koha e përkryer.

Një studim i kohëve të fundit i kryer nga Census Bureau dhe dy profesorë të MIT zbuluan se sipërmarrësit më të suksesshëm janë të moshës së mesme – madje edhe në sektorin e teknologjisë. Hulumtuesit hartuan një listë prej 2.7 milionë themelues kompanish, të cilët nisën kompaninë e tyre mes viteve 2007 dhe 2014. Mosha mesatare e tyre ishte 45 vjeç kur themeluan kompanitë më të suksesshme teknologjike.

Lexoni: Eventet që zhvillohen në Shqipëri për të nxitur zhvillimin e sipërmarrjeve të reja

Dhe në përgjithësi, një sipërmarrës 50-vjeçar ka shumë gjasa të fillojë një kompani jashtëzakonisht të suksesshme si një 30-vjeçar.

Pse?

Ka shumë arsye, por një faktor kyç është dallimi midis ideve dhe ekzekutimit.

Idetë kanë rëndësi, por ekzekutimi është gjithçka. E njëjta gjë vlen edhe për strategjinë: Strategjia ka rëndësi, por taktika – ajo që ju në fakt bëni – është ajo që ndihmon kompanitë të rriten.

Është shumë më e vështirë t’i bësh gjërat mirë kur ke një eksperiencë të kufizuar. Është shumë më e vështirë të zhvillosh një strategji të shëndoshë kur ke një eksperiencë të kufizuar. Është shumë më e vështirë të marrësh vendime të zgjuara taktike – veçanërisht kur duhet të marrësh një numër të madh vendimesh çdo ditë – kur ke një eksperiencë të kufizuar.

E vetmja mënyrë për të zvogëluar numrin e gjërave që nuk dini është duke fituar eksperiencë.

Pra, nëse jeni në moshën 40 vjeçare dhe doni të filloni një biznes, bëjeni atë. Nëse jeni 50 vjeç, bëjeni atë. Nëse jeni në të 60-at tuaja … bëjeni atë. Sipërmarrësit e suksesshëm nuk kanë diçka të paprekshme që ju nuk e keni.

Lexoni: Mosha e përçarjes

Besoni në veten tuaj – sidomos nëse jeni të gatshëm të punoni fort dhe me këmbëngulje.

Shkenca dëshmon se përvoja, aftësitë, lidhjet, ekspertiza dhe mosha juaj, janë në anën tuaj.

Filloni t’i bashkoni të gjitha këto për të funksionuar për JU, jo për dikë tjetër.

burimi: inc

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0