Huawei ndalon disa linja prodhimi të smartfonëve të saj


Huawei ka ndaluar disa nga prodhimet e saj të smartfonëve, pasi njoftoi më parë objektivin e saj për t’u bërë shitësi më i madh në botë i smartfonëve deri vitin e ardhshëm, sipas një raporti nga South China Morning Post.

Lexoni: Beteja tregtare mes gjigantit Huawei dhe qeverisë së SHBA (historiku)

Raporti specifikonte se ndalimi i disa linjave prodhuese ishte nga Foxconn, “prodhuesi elektronik i Tajvanit që mbledh produkte mobile për shumë marka telefonike duke përfshirë Apple dhe Xiaomi”, mes reduktimit të porosive për telefona të rinj.

Ndërsa situata e re është shfaqur, është shumë herët për të thënë nëse ne jemi në gjendje të arrijmë qëllimin,” u tha gazetarëve Zhao Ming, president i Honor, një markë smartphone e Huawei. Ai po iu përgjigj pyetjeve rreth planit të Huawei për të mundur Samsung Electronics në shitjet e smartfonëve përpara fundit të vitit 2020.

Shitjet globale të smartfonëve të kompanisë u rritën në 15.7% në tremujorin e parë të vitit 2019 nga 10.5% në të njëjtën periudhë të vitit të kaluar, sipas të dhënave nga firma kërkimore e industrisë Gartner.

Gjiganti teknologjik më parë pranoi se po përshpejton përpjekjet për të zhvilluar sistemin e saj operativ të smartfonëve dhe app store e saj në përgjigje të administratës së presidentit Trump që shtoi kompaninë në një listë të zezë tregtare.

Lista e zezë e kufizoi kompaninë nga blerja e shërbimeve dhe pjesëve nga kompanitë amerikane pa miratim, duke ndikuar në mos aksesimin e shumë pajisjeve dhe softuerëve amerikanë të prodhuar nga kompanitë si Qualcomm dhe Google.

Masa erdhi si një zhvillim i ashpër në rritjen e tensioneve midis marrëdhënieve tregtare të SHBA dhe Kinës.

Lexoni: Ndalimi i produkteve të Huawei, ja çfarë do të thotë për vetë kompaninë dhe SHBA

Më 10 Maj 2019, Trump sinjalizoi fundin e negociatave zyrtare, duke ngritur tarifat nga 10% në 25% të importeve kineze.

Kina më pas ngriti tarifat mbi mallrat amerikane, që hyri në fuqi më 1 Qershor para se ministri i jashtëm i Kinës akuzoi SHBA për përfshirjen në “terrorizëm ekonomik” dhe insistoi që Kina nuk “kishte frikë” nga SHBA.

/BusinessInsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale