Fuqia e numrit 3! - Business Magazine Albania

Fuqia e numrit 3!


Numrat janë kudo, por a e dini se numri tre mund të përdoret për të rritur impaktin e prezantimeve tuaja me shkrim dhe me gojë?

“Mos vallë në këto momente jeni duke menduar pse qenka kështu?”

Epo, gjithçka ka të bëjë me mënyrën se si e perceptojmë informacionin.

Për shembull …

Nëse do të donit të më bindni për të blerë një orë ari që keni për të shitur, një arsye nuk ka gjasa të më mbushë mendjen. Shto një arsye të dytë dhe mund të jem më afër bindjes – por ndoshta do të përfundoj vetëm me krahasimin e dy arsyeve. Por, shtoni një arsye të tretë … dhe mund të keni goditur në shenjë!

Kjo metodë njihet si ‘Rregulli i 3’ dhe është një mënyrë e provuar për të dhënë mesazhe të qarta dhe të paharrueshme, duke ofruar informacion të plotë për marrësit.

Lexoni: Mësoni nga prezantimi më i mirë i të gjitha kohërave

Shumë fraza të famshme përdorin ‘Rregullën e 3-it’:

  • Gjak, djersë dhe lot – Blood, sweat and tears (Sir Winston Churchill)
  • Unë erdha, pashë, pushtova – I came, I saw, I conquered (Julius Caesar)
  • Jetë, liri dhe ndjekje e lumturisë – Life, liberty, and the pursuit of happiness (Deklarata Amerikane e Pavarësisë)

Është e qartë se ekziston një magji e vërtetë në përdorimin e “Rregullit të 3-it” për të komunikuar mesazhe kyçe për audiencën tuaj.

Bashkëthemeluesi i Apple, Steve Jobs u tha të pranishmëve në MacWorld 2007, se do të fliste për tre produkte inovatore, domethënë:

  • Një iPod me ekran të madh me prekje
  • Një celular revolucionar
  • Një pajisje për komunikimin në Internet

Pasi foli gjerësisht për secilin nga tri produktet dhe mori duartrokitje të zjarrta nga audienca, ai e përfundoi prezantimin e tij duke thënë:

“A po e kuptoni? Këto nuk janë tre pajisje të veçanta, ato janë një pajisje dhe ne e quajmë atë iPhone!”

Është e qartë se Steve Jobs e kuptoi fuqinë e 3-it. Dhe nëse dëshironi të jeni një komunikues i suksesshëm dhe efektiv – duhet ta kuptoni dhe ta përdorni këtë teknikë.

Ende po pyesni pse ne numërojmë deri në 3?

/Lifehack

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0