Femrat në TIK, ICK ndihmon në shndërrimin e ideve të tyre në biznes - Business Magazine Albania

Femrat në TIK, ICK ndihmon në shndërrimin e ideve të tyre në biznes


Innovation Centre Kosova ka lançuar thirrjen e parë të edicionit të femrave për startups apo ndërmarrje të reja të udhëhequra nga femrat të bëhen pjesë e Inkubatorit të ICK.

Ekipet që do të fitojnë të drejtën të bëhen pjesë e Inkubatorit do të kenë mundësi që përpos shërbimeve të inkubatorit (zyrё, hapësira punuese “coworking”, salla të konferencës, konsulencë, mentorimi, trajnime, rrjetëzim etj.) të përfitojnë edhe grante deri në 3,000 euro të cilat do të ndihmojnë në zhvillimin e idesë apo biznesit. Ekipet në Innovation Centre Kosovo do të përfitojnë edhe nga ligjerata nga folës ndërkombëtarë me përvojë në fushën e ndërmarrësisë dhe inovacionit.

Përveç kësaj, bizneset e reja në kuadër të programit të inkubatorit përfitojnë nga shërbimet online të mirënjohura, si Amazon Web Services dhe Microsoft BizSpark, të cilat ndihmojnë në kursimin e shumë parave. Gjithashtu të gjitha ekipet e inkubatorit përfitojnë drejtpërdrejt nga ngjarjet vendore dhe ndërkombëtare si: Global Entrepreneurship Network (GEN), Hello Tomorrow Challenge, Startup Grind nga Google for Entrepreneurs, Startup Week, NASA Space Apps Challenge e të tjera.

“Për momentin në ICK janë tri ekipe që udhëheqin nga femrat dhe disa që janë pjesë e ekipeve të tjera në inkubatorë, por ne si ICK dëshirojmë që ta rrisim këtë numër në mënyrë që në të ardhmen të kemi gjithnjë e më shumë femra sipërmarrëse në Kosovë duke u fokusuar në teknologji dhe informacion,” thotë Safet Rama, menaxher i Inkubatorit në ICK. Pra, ICK ndihmon femrat në Kosovë në shndërrimin e ideve në biznese të reja të suksesshme.”

Innovation Centre Kosovo është plotësisht e përgatitur në të gjitha aspektet për zhvillimin e ndërmarrësisë dhe biznesit, me theks në teknologjinë e informacionit dhe komunikimit (TIK), që përfshijnë kompjuterë, aplikacione softuerike, internet, aplikacione mobile dhe të bazuara në Ueb-faqe, bazat e të dhënave etj. Femrat me ide të mira në TIK të cilat dëshirojnë të fillojnë biznes janë të mirëseardhura që të aplikojnë online për tu bërë pjesë e Inkubatorit (afati i fundit: 2 qershor 2016).

Por edhe femrat qё tashme janë duke udhëhequr kompanitë e tyre për më pak se dy vite dhe dëshirojnë ta zgjerojnë biznesin e tyre, mund të aplikojnë online. Plotësimi i formularit online është faza e parë e procesit për t’u bërë pjesë e inkubatorit në ICK.
Pas datës 2 qershor, komisioni vlerësues i ICK-së do t’i shqyrtojë të gjitha aplikacionet për të parë se cilat aplikacione shkojnë në fazën e dytë të procesit.

Për më shumë informacione në lidhje me këtë, shihni udhëzimet në lidhje me ftesën publike për aplikim (në gjuhën shqipe, serbe apo angleze).

 

/Telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0