Energjia, sektori me premtues për rritjen e ekonomisë shqiptare

Energjia, sektori me premtues për rritjen e ekonomisë shqiptare


Shqipëria është gati të marrë rolin e saj si kreu i Konferencës së Kartës së Energjisë në vitin 2019, në kuadrin e mbledhjes së 29-të të anëtarëve të saj më 27- 28 Nëntor 2018, në Bukuresht.

Në këtë kontekst, diplomati sllovak dhe Sekretari i Përgjithshëm i Kartës së Energjisë, Urban Rusnák u takuan me ministrin dhe zëvendës-ministren shqiptare të infrastrukturës dhe energjisë, Damian Gjiknuri dhe Dorina Cinari, zëvendësministrin e Jashtëm Etjen Xhafaj, Prokuroren e Përgjithshme Alma Hicka, Drejtorin e Përgjithshëm të Agjencisë për Burimet Natyrore, Adrian Bylyku dhe Entela Cipa, përgjegjëse për Efiçiencën e Energjisë.

Pala shqiptare i dha një rëndësi të veçantë lidhjeve ndërkufitare, formimit dhe mbështetjes së një tregu funksional energjitik dhe zhvillimit të Burimeve të Energjisë së Rinovueshme.

Lexoni: Sfidat e komercializimit për klientët fundorë të energjisë

Është vënë re se ekonomia shqiptare ka regjistruar një rritje prej 4.45% në tremujorin e parë të këtij viti, mbështetur kryesisht nga sektori i energjisë dhe në veçanti nga prodhimi i energjisë elektrike nga operimi i infrastrukturës hidroelektrike. Shifra prej 4.45% është shënuar ndërkohë kur institucionet financiare ndërkombëtare kanë paralajmëruar për shenja të ngadalësimit të ekonomisë shqiptare dhe një rënie të PBB pas një rritje 9-vjeçare.

Konferenca e Kartës së Energjisë – një nismë ndërqeveritare – është organi që udhëzon dhe merr vendime për të zhvilluar dhe ruajtur Kartën e Energjisë pas nënshkrimit të Traktatit të Kartës së Energjisë në vitin 1994. Ky Traktat krijon një kuadër për bashkëpunim midis vendeve brenda dhe jashtë BE-së për nxitjen e bashkëpunimit afatgjatë energjetik, duke u bazuar në parimet e përcaktuara në Kartën Europiane të Energjisë.

Dispozitat më të rëndësishme të Traktatit kanë të bëjnë me mbrojtjen e investimeve, tregtimin e materialeve dhe produkteve të energjisë, zgjidhjen e çdo mosmarrëveshjeje, duke qartësuar kuadrin për funksionimin e konkurrencës, pronësisë dhe sovranitetit, regjimin e taksave dhe mbrojtjen e mjedisit.

/balkaneu.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0