Elon Musk kalon Jeff Bezos duke u bërë personi më i pasur në botë

Elon Musk, pronari i kompanisë prodhuese të automjeteve elektrike të nivelit të lartë, “Tesla”, u ngrit në rangun e personit më të pasur në botë, falë rritjes së aksioneve të Tesla-s në Bursë, sipas agjencisë “Bloomberg”.

Falë rritjes së aksioneve të Tesla-s, nga të cilat ai zotëron 18 %, në Wall Street, sipërmarrësi i çuditshëm 49-vjeçar, i cili gjithashtu drejton “SpaceX”, kaloi sot në mëngjes përpara Jeff Bezos, kreut të “Amazon”, sipas llogaritjeve të “Bloomberg”, që mban të përditësuar renditjen e miliarderëve.

Aksionet e kompanisë së Elon Musk, Tesla, u rritën pasi Senati i SHBA-së, i kontrolluar nga demokratët, rriti shpresat se do të nisë një “axhendë të gjelbër”. Tesla është një kompani me automjete elektrike dhe energji të pastër, me seli në Palo Alto, Kaliforni. Produktet e Tesla-s përfshijnë makina elektrike, ruajtjen e energjisë së baterisë, panele diellore dhe produkte dhe shërbime të ngjashme.

LEXO: Elon Musk, njeriu i tretë më i pasur në botë

Një rritje prej 4.8% e çmimit të aksioneve të Tesla ishte e mjaftueshme për ta shtyrë Musk në vendin e parë sipas indeksit të miliarderëve të Bloomberg, i cili ndjek ndryshimet ditore për 500 njerëzit më të pasur në botë. Pasuria neto e sipërmarrësit 49-vjeçar arriti 186 miliardë dollarë të mërkurën, duke e bërë atë 1.5 miliard dollarë më të pasur se Bezos, i cili kishte mbajtur vendin e parë që nga tetori i vitit 2017. Pas lajmit, Elon Musk reagoi në Twitter duke thënë “sa e çuditshme” dhe “ok, rikthehemi në punë”. Musk ka thënë se ka qëllim ta përdorë gjysmën e pasurisë së tij për të “ndihmuar problemet në Tokë” dhe “gjysmën për të ndihmuar krijimin e një qyteti në Mars për të siguruar vazhdimin e jetës (të të gjitha specieve) në rast se Toka goditet nga një meteor ose Lufta e Tretë Botërore ndodh dhe ne shkatërrojmë veten”.

Musk, i cili zotëron 20% të aksioneve të Tesla-s, ishte personi i 35-të më i pasur në botë në fillim të vitit 2020. Ai gjithashtu zotëron kompaninë e raketave SpaceX, e cila po transporton astronautët në Stacionin Hapësinor Ndërkombëtar në një marrëveshje me NASA. Megjithatë, ekziston frika se çmimet e aksioneve mund të rriten shumë më tepër se vlerat reale dhe “flluska” mund të shpërthejë në mënyrë spektakolare, referuar një situatë të mirë, e cila nuk ka të ngjarë të zgjasë.

CNN

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale