Të martën, anëtarët e “Employee Productivity Tools” të kompanisë treguan disa nga detajet e uChat.
Uber ishte duke përdorur Atlassian’s HipChat për komunikimet brenda kompanisë, por krijoi Chat-in e tij pasi mendonte se asnjë kompani nuk i arrinte pritshmëritë që kishte.
Lexoni: Çfarë mund të mësojmë nga gabimet e Uber dhe Travis Kalanick?
Aplikacioni i ri duhet të përballonte 70000 përdorues në të njëjtën kohë.
Për t’u siguruar që aplikacioni mund të përballonte një rritje të kompanisë në të ardhmen, skuadra i bëri teste mjaft të vështira, me qëllimin që të përballojë deri në 70000 përdorues dhe dërgimin e 200 mesazheve në sekond.
Produkti final përballon dhjetra mijëra përdorues dhe 1 milionë mesazhe në ditë.
Ndihmonte fakti që dukej i njohur
Uber përdorte HipChat dhe Slack, kështu që një nga avantazhet që kishte, ishte fakti që aplikacioni që krijoi ishte shumë i ngjashëm me paraardhësit e tij.
Lexoni: Kush është kompania miliarda dollarëshe që fuqizon Uber dhe Airbnb?
Rreth 20000 biseda ekzistuese migruan prej rrjetit të vjetër…
“Për të siguruar që transicioni për tek uChat të ishte sa më i qetë, ne i siguruam çdo punonjësi një llogari dhe sollëm 20000 biseda në aplikacionin e ri, në mënyrë që punonjësit të mos kishin nevojë t’i ribashkoheshin bisedave dhe të fillonin nga e para,” thotë Uber.
… Por kjo nuk i bëri punonjësit më entuziast për ndryshimin
“Gjëja që mësuam gjatë kësaj eksperience ishte fakti që niveli i planifikimit dhe organizimit i nevojshëm për të fikur një sistem Chat-i kërkonte shumë më shumë koordinim me përdoruesit sesa e kishim menduar. Por duke qenë transparent dhe efektiv, ne ndërtuam themele të forta dhe pak nga pak kaluam të gjithë kompaninë.”
Burimi: Business Insider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
