Këtë javë CEO i Uber, Dara Khosrowshahi ritheksoi qëllimin e kompanisë për të ofruar taksi fluturuese si një mundësi transporti dhe jo në të ardhmen e largët, por në pesë apo 10 vitet e ardhshme.
Në një forum në Tokio të Martën, Khosrowshahi tha se i sheh makinat fluturuese si një opsion të mundshëm që përdoruesit e Uber t’i marrin si mjet transporti në vendet e afërta rreth qyteti.
Në vend të rrugëve, UberAir do të ketë automjete që fluturojnë në lartësi të ulëta si pjesë e një rrjeti të avionëve të vegjël elektrikë që fluturonin në distanca të shkurtra. Kjo është diçka për të cilën kompania ka folur që nga viti 2016, me synim për të bërë demo të fluturimeve në Los Angeles deri në vitin 2020.
Uber publikoi një dokument në sistemin e avionëve në fund të vitit të kaluar, duke nxitur interesin e shumë njerëzve, duke përfshirë Bell Helicopter dhe një mori startup-esh të makinave fluturuese.
Programet e tjera fluturuese të taksive, që zakonisht përfshijnë avionë elektrikë, janë në zhvillim, por siç tregon Uber, ka shumë çështje që qëndrojnë në këtë nismë. Për të përmendur disa: teknologjia e baterisë, rregullatorët, shpenzimet e larta, zhurma dhe mungesa e infrastrukturës për uljen dhe ngritjen e avionëve.
Konkurrenti kinez Ehang ka një testim operativ të dronëve të pasagjerëve këtë muaj edhe pse ai mund të mbajë vetëm dy persona në të njëjtën kohë. Një tjetër startup, SureFly, duhej të shënonte një fluturim të rëndësishëm testimi në CES në Janar, por moti i keq e shkatërroi këtë plan.
Duket qartë që duhet ende shumë për t’u përgatitur në lidhje me konceptin e taksive fluturuese në mënyrë që ato të bëhen të suksesshme në vende si SHBA, por duke parë kaq shumë interes dhe zhvillim kohët e fundit, kjo e ardhme duket gjithnjë e më shumë afër nesh.
burimi: Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
