CEO i Coca Cola: Ndikimi ekonomik i koronavirusit sapo ka filluar

CEO i Coca Cola: Ndikimi ekonomik i koronavirusit sapo ka filluar

Coca Cola

CEO i Coca-Cola, James Quincey dha një parashikim të zymtë për të ardhmen e ekonomisë globale, e cila është ndikuar nga pandemia e koronavirusit.

“Ndikimi ekonomik i izolimit sapo ka filluar”, tha Quincey në emisionin “Box Squawk Box” të CNBC.

Në Shtetet e Bashkuara, më shumë se 36 milionë amerikanë kanë bërë kërkesë për përfitimin e paketave të papunësisë, që kur koronavirusi preku ekonominë. Zyra e Buxhetit e Kongresit tha se pret që PBB-ja e SHBA-së të pësojë një rënie prej  38% në bazë vjetore, në tremujorin e dytë të vitit. Fondi Monetar Ndërkombëtar po parashikon që ekonomia globale do të tkurret me 3% këtë vit.

Quincey tha se ai pret një rimëkëmbje të ekonomisë në formë si”U” ose “U” të zgjeruar se sa një në formë si “V”, ku ekonomia kthehet shpejt në gjendjen para krizës.

Ndërsa ai tha që ishte shumë herët që Coca Cola të vlerësonte se si zakonet e blerjes do të ndryshojnë, kompania pret që konsumatorët të kursejnë më shumë para.

Lexoni: FMN: Sistemi bankar do të jetë nën presion deri në 2025

“Ne do të duhet të kuptojmë se situata pas krizës së virusit do të ndikojë shumë në ekonomi. Do të ketë një përqendrim shumë më të madh nga konsumatori në përballueshmërinë ose uljen e çmimeve,” i tha ai gazetarit Andrew Ross Sorkin.

Coca Cola është duke parë akoma pasoja negative globale në maj, megjithëse ato janë përmirësuar pak pasi pësuan një rënie prej 25% në prill, sipas Quincey. Afërsisht gjysma e të ardhurave të kompanisë vjen nga biznese si restorante, kinema dhe stadiume. Në Kinë, e cila filloi të lehtësojë masat e izolimit në prill, kërkesa në maj ende nuk është rikuperuar në nivelet siç ishte para krizës.

Aksionet e kompanisë u rritën 1% në treg. Stoku, i cili ka një vlerë tregu prej 191 miliardë dollarë, ka rënë 19% deri më tani, në vitin 2020.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0