Butoni i ri i Twitter sjell më pranë konsumatorët me bizneset


Twitter lançoi para pak ditësh një funksion të ri, i cili do të zgjerojë mbulueshmërinë e rrjetit social përtej aplikacioneve. Kompania prezantoi një buton të ri për uebfaqet falë të cilit vizitorët mund ti dërgojnë një mesazh direkt administratorëve ose operatorëve të kujdesit ndaj klientit.

Kjo shtesë e re përbën një arsye më shumë për ata që pyesin se pse duhet të përdorim rrjetin social Twitter. Por rrjeti social nuk është i pari që e ka menduar këtë gjë sepse shërbime të tjera si Intercom dhe Zendesk tashmë e kanë bërë realitetit. Madje edhe Facebook ka eksploruar ide të ngjashme për të bërë komunikimin mes konsumatorëve dhe biznesit një eksperiencë sa më të thjeshtë.

Në mënyrë që butoni në fjalë të jetë funksional, bizneset duhet të modifikojnë cilësimet e llogarisë në Twitter në mënyrë që të marrin mesazhe direkte nga të gjithë. Më pas mund të ngjisin butonin në uebfaqe dhe ta konfigurojnë me ID përkastëse të llogarisë në Twitter.

Butoni padyshim do të jetë i dobishëm sidomos kur kemi të bëjmë me blerje online. Vite më parë mesazhet direkte në Twitter ishin një shërbim shumë pak i përdorur nxitur nga kufizimi i 140 karaktereve. Për fat të mirë rrjeti social e ka zgjeruar këtë kufizim në 10,000 karaktere.

Ky nuk është butoni i parë i Twitter për uebfaqet. Butonë të ngjashëm lejojnë përdoruesit të ndajnë përmbajtje, të ndjekin llogari, të përmendin dikë apo të bëhen pjesë e bisedave me hashtag.

 

burimi: pcworld.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale