“Bankers Petroleum” kërcënon qeverinë shqiptare me ndërprerje të prodhimit


Bankers Petroleum” kërcënon se do të ndërpresë prodhimin e naftës në Patos Marinzë për shkak se qeveria nuk po zbaton urdhërin e Gjykatës së Arbitrazhit për zhbllokimin e llogarive nga Drejtoria e Tatimeve.

Përmes një njoftim zyrtar, kompania kanadeze ka deklaruar se, bllokimi i llogarive nga Tatimet e ka vënë në vështirësi për të financuar operacionet e saj.

“Bankers” thotë se javën e kaluar ajo eksportoi vetëm 85 për qind të sasisë së prodhuar, pasi nuk mund të financonte më tepër transportin për shkak të bllokimit të llogarive nga Tatimet.

Kompania bën të ditur se deri tani ka vijuar prodhimin normal në vendburim, por paralajmëron se, nëse autoritetet shqiptare nuk do të zhbllokojnë llogaritë ajo do të vazhdojë reduktimin e naftës së prodhuar deri në ndalimin e plotë të operacioneve të saj.

Rreth një javë më parë, pas një vendimi të Gjykatës së Apelit, Tatimet bllokuan llogaritë e “Bankers Petroleum” për të mbledhur me forcë 75 milionë dollarë taksa, që kompania pretendohet si i ka shmangur.

Por menjehërë “Bankers” kërkoi një pezullim të këtij akti nga Dhoma Ndërkombëtare e Tregtisë. “Bankers” thotë se edhe pse Gjykata e Arbitrazhit nxori urdhër që autoritetet të zhbllokojnë llogaritë e saj, shteti shqiptar nuk po e zbaton këtë urdhër.

Grupi kanadez i nxjerrjes së naftës tha se, shpreson në arritjen e një zgjidhjeje sa më të shpejtë, para se të detyrohet të ulë prodhimin.

Por, në të njëtën ditë që kompania kanadeze lëshoi këtë njoftim, shteti shqiptar ka bërë me dije se po përgatitet për një tjetër gjyq ndaj saj.

“Albpetrol”, kompania publike e prodhimit të naftës deklaroi se ka përzgjedhur studion ligjore që do ta përfaqësojë në Gjykatën e Arbitrazhit kundër “Bankers”.

“Albpetrol” pretendon se në vitin 2013 “Benkers” ka deklaruar 220 milionë dollarë shpenzime të pajustifikuara për të ulur detyrimet tatimore që duhet të paguajë në shtet. Nga ana e saj kompania kanadeze e mohon këtë pretendim dhe shprehet e gatshme për ta çuar çështjen në arbitrazh.

/Top-Channel/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale