Aksionet e gjigantit të e-commerce u rritën të Martën duke e vendosur vlerën e kompanisë pak më shumë se e njëjta vlerë që Apple ka arritur më pak se një muaj më parë.
Një trilion është një shifër që vështirë të imagjinohet dhe aq më tepër për një kompani që fokusin kryesor e ka në shitjen me pakicë.
Lexoni: Nuk është Apple, ja cila kompani ka bërë trilionin e parë
Për vitin fiskal 2017, Amazon dhe 560,000 punonjësit e saj në mbarë botën raportuan shitjet totale prej 177.87 miliardë dollarë, duke çuar në një fitim prej 6.15 dollarë për aksion, sipas raportit vjetor të kompanisë.
Por, nga këto të ardhura masive, shitja me pakicë po fillon ngadalë t’u lejë vendin edhe shërbimeve të tjera. Për shembull, Amazon Web Services, një njësi që ofron hosting dhe cloud computing për biznese të tjera, solli 20 miliardë dollarë të ardhura në vitin 2017.
Rritja astronomike e Amazon në një nga kompanitë më të mëdha në botë e ka bërë themeluesin dhe shefin ekzekutiv të saj, Jeff Bezos lehtësisht personin më të pasur në botë që nga e Marta.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
Premium Print and Digital 
