A paguhen më pak femrat sesa meshkujt edhe në shtetet perëndimore?

Mediat supozohen të transmetojnë lajmet, jo t’i krijojnë ato. Por BBC ndodhet në një vend të sikletshëm që nga data 19 Korrik, kur publikoi listën e punonjësve që fitojnë më shumë se 200,000$ në vit. Kjo solli një zemërim të madh mes punonjëseve femra, të cilat zbuluan që fitonin shumë më pak se meshkujt. Në listën prej 96 personash, 2/3 ishin meshkuj.

Në një peticion, prezantueset femra thanë se këto ishin prova që BBC i paguante më pak për të bërë të njëjtën punë. Rroga mesatare e grave në Britani është 29% më e ulët se e meshkujve. Por, duke u bazuar në studimin me 8.7 milionë punonjës, gratë fitojnë vetëm 1% me pak se burrat në Britani për të njëjtën punë dhe nivel. Ama këto shifra nuk tregojnë se nuk ka pabarazi gjinore kur vjen puna tek fitimet. Ky studim tregon se problem nuk është se gratë fitojnë më pak për të njëjtën punë, por që gratë punojnë punë të rëndomta që paguhen më pak.

Lexoni: Sipas raportit: Gratë punojnë 39 ditë në vit më shumë se meshkujt

Këto shifra gjithashtu ndryshojnë në shtete të tjera. Në Gjermani dhe Spanjë, gratë me punë të nivelit të lartë paguhen 15-20% më pak sesa meshkujt e të njëjtit status.

Një ligj i ri në Britani kërkon që çdo kompani e madhe duhet të publikojë diferencën e rrogave midis meshkujve dhe femrave duke filluar nga Prilli i vitit 2018.

Burimi: The Economist