A jeni një lider i vërtetë apo jo? - Business Magazine Albania

A jeni një lider i vërtetë apo jo?


Çfarë ndodh për shembull kur aktori del nga skenari, audienca mërzitet, apo muret e teatrit fillojnë të shemben? Aktori, nëse nuk mund të improvizojë, mbetet i paralizuar. Kjo është ajo që shikojmë sot: liderët, njëri pas tjetrit po mbeten të paralizuar për shkak të ndodhive të papritura të kësaj bote të pasigurtë. Nuk ka rëndësi nëse këta liderë vijnë nga fusha e politikës, kulturës apo biznesit.

Një shembull i mirë për t’u dhënë është ajo e kompanisë telefonike Nokia. Asnjёri nuk mund ta parashikonte 10 vite më parë se kompania Nokia nuk do të ishte më në treg. Megjithëse kompania kishte rënie të fitimeve, liderët e saj jepnin fjalime të bukura, ishin të qetë dhe kishin besim për të ardhmen. Ata nuk po merrnin vendimet e duhura për të ardhmen e kompanisë, ato vendime që do të shpëtonin gjigandin telefonik.

Lidershipi nuk ka lidhje as me të qënit vetëm një performues i zoti. Zakonisht ne kërkojmë për liderë që maksimizojnë fitimin dhe arrijnë qëllimet. Roli kryesor i liderit nuk është thjesht të realizojë të njëjtat detyra si dje, në mënyrë më të efektshme. Roli themelor i liderit është përcaktojë idenë e ekzekutimit.

Nëse qëllimi ynë është të zbulojmë liderë të tillë, atëherë nuk do t’i gjejmë nga punonjësit më të mirë, por nga ata që sfidojnë idetë tona se si mund të ketë më efektshmëri puna. N.q.s kompanitë rrisin në detyrë vetëm ata që përmbushin mirë detyrat, a do të çuditemi nëse arrijmë të njëjtat gjëra?

Artikulli u publikua më parë në faqen 6 të numrit 10 të revistës Business Magazine Albania. Ju mund të Shfletoni Këtu nr. 10 të saj.

Detyra e liderëve nuk është të fitojnë fuqi, por e kundërta, të shpërndajnë fuqi. Detyra e një lideri është të krijojnë një realitet ku njerëzit të përqendrohen te kuptimi i misionit në punën e tyre.

“Një lider nuk është shitës. Kur Steve Job donte të afronte në Apple John Sculley, i cili ishte drejtor ekzekutiv i Pepsit, i bëri një pyetje: “A dëshiron të shesësh gjithë jetën ujë me sheqer, apo do të ndryshosh botën?” Ti mund të bësh para duke shitur ujë me sheqer, por a ka qëllim brenda ky veprim?” Synimi i një lideri është të krijojë një qëllim.

Megjithëse kjo tingëllon frymëzuese, detyra e një lideri nuk është vetëm të japë fjalime të tilla. Një lider nuk është një orator, që u përplas shpatullat punonjësve që kanë ngecur në punën e tyre. Detyra e një lideri është të frymëzojë njerëzit, por në kuptimin e vërtetë të fjalës. Në latinisht fjala frymëzim përkthehet ‘inspirare’ dhe do të thotë të japësh frymë. Me të vërtetë liderët i japin jetë një organizate që drejtojnë. Ata i japin jetë mundësive të reja. Ata e bëjnë më të lehtë për ne për të guxuar, imagjinuar, krijuar dhe ndërtuar.

Lidershipi nuk është në një vend të sigurtë. Ne po vuajmë për liderë më të mirë. Ndoshta është pikërisht dëshira jonë e madhe për të pasur liderë të vërtetë, problemi. Ështё e lehtë për t’u ankuar për liderët, por ajo që duhet bërë është të përpiqemi më fort. Përpos të gjithave duhet të jemi të ndërgjegjshëm që është një detyrë e vështirë.

/Artikulli u publikua më parë në faqen 6 të numrit 10 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0