Në përgjithësi, presioni është një ndjenjë urgjente që ne të gjithë duhet të durojmë në nivele të ndryshme gjatë gjithë karrierës dhe detyrave tona të përditshme. Ekziston kryesisht për të na nxitur të punojmë më shumë në më pak kohë.
Lexoni: Reduktimi i kohës në mediat sociale me 30 minuta në ditë ul rrezikun nga depresioni
BusinessMag në këtë artikull ju sjell disa teknika se si të punoni nën presion:
- Mos harroni se qeniet njerëzore punojnë mirë kur janë nën presion
Disa prej nesh natyrisht dinë të punojnë mirë kur janë nën presion. Edhe ata që nuk janë natyrshëm aq të talentuar mësojnë të përshtaten. Sepse ne jemi mbijetues, ne e duam sfidën dhe ne dëshirojmë të kryejmë detyra të vështira që na mbajnë në punë. Prandaj, njerëzit më së shumti ia dalin mbanë, në vend që të dështojnë kur janë nën presion.
Pra, mos e shikoni presionin si diçka negative, por përkundrazi përqafojeni dhe shiheni atë si një mundësi. Një këshillë kyçe këtu është që ju duhet t’i kushtoni vëmendje natyrës së presionit në të cilin jeni. Nëse shikoni se presioni është i panevojshëm, duhet të analizoni çdo rrezik që lidhet me të.
- Vlerësoni sfidat dhe rreziqet që merrni
Vlerësimi zakonisht na jep metodat për të trajtuar presionin. Sapo mendjet tona janë të qarta, mund të mendojmë për zgjidhjen sesa për vetë problemin.
Një nga faktorët kryesorë që duhet marrë parasysh për të shmangur presionin është duke thënë “jo” po aq sa thoni “po”. Nëse e dini se një detyrë mund të bëhet, atëherë do të bëhet. Nëse mendoni se nuk mund të bëhet, ky vlerësim ju jep mundësinë për ta analizuar atë dhe për të gjetur një mënyrë që të mund të bëhet.
- Planifikoni përpara dhe pyesni veten: “Po në qoftë se?”
Plani juaj fillestar mund të ndryshojë nga një fazë në tjetrën, ose edhe të dështojë plotësisht, por aftësia për të ndryshuar korsi shpejt dhe me saktësi është çelësi i gjithçkaje. Gjithmonë kini në mendje një plan të rimëkëmbjes kur filloni së pari të planifikoni një sfidë. Mendoni për alternativa; edhe nëse nuk keni nevojë për to, ato do t’ju ndihmojnë të trajtoni mirë presionin dhe të jeni gati për të papriturat.
- Mbani kontrollin mbi veten
Reagimet tuaja ndaj sfidave të ndryshme janë pjesë e procesit të të mësuarit dhe ndonjëherë është e nevojshme të ndërmerret një hap mbrapa kur po përballeni me një sfidë. Sigurohuni që të bëni pyetjet e duhura, të cilat do t’ju mundësojnë të kuptoni më mirë mundësitë tuaja, madje edhe mes të situatave të vështira. Në këtë mënyrë, ju mbani kontrollin, zgjidhni problemet dhe vendosni një shembull për ekipin tuaj.
- Mënyra se si bëni diçka është mënyra se si bëni gjithçka
Mënyra se si merreni me presionin në punë do t’ju mundësojë të përballoni presionin në situata personale. Nëse mund të zotëroni presionin në një fushë të caktuar, do të mësoni të ngriheni mbi sfidat, të rriteni dhe të ecni përpara. Përfundimisht, ato kohë të lodhshme do të jenë një burim i madh krenarie.
Lexoni: Sipërmarrësit, si mund t’ia dalin të përballojnë ankthin dhe depresionin
Përballimi i presioneve të së djeshmes nuk është domosdoshmërisht një garanci e përballimit të presioneve të së sotmes apo të së nesërmes, por mund të rrisë potencialin tuaj për të bërë gjëra të mëdha edhe kur jeni nën presion.
burimi: Entrepreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
