Punonjësit tuaj e dinë ndryshimin mes të vërtetave të këndshme dhe atyre të pakëndshme. Ka shumë të ngjarë që ata të frikësohen në ndarjen e të vërtetave të pakëndshme me ju.
Të vërtetat e pakëndshme
Realiteti është se të thuash të vërtetën ndonjëherë është e vështirë. Është veçanërisht e vështirë kur informacioni është i ndjeshëm ose dëmtues në një farë mënyre. Unë i quaj këto të vërteta “Të Vërtetat e Pakëndshme”.
Lexoni: 3 Aftësitë që duhet të ketë një punonjës i mirë sipas Jeff Bezos
Pavarësisht nga kultura e ekipit tuaj dhe pavarësisht se sa mirë mendoni se kultura juaj nxit besimin dhe bisedën e hapur, Të Vërtetat e Pakëndshme janë gjithmonë ato më të vështira për punonjësit për t’u diskutuar.
Bëhet shumë e rëndësishme që secili person brenda kompanisë tuaj të flasë për të vërtetat e pakëndshme kur ekipi yt rritet. Pse? Sepse asnjë drejtues nuk do të shohë gjithçka. Dhe sa më shumë njerëz që ju keni në ekipin tuaj, aq më shumë gjëra do të ndodhin pa i parë apo dëgjuar ju personalisht.
Komunikimi brenda ekipit bëhet më i vështirë kur ai vazhdon të rritet
Ironia këtu është se sa më e rëndësishme bëhet që ju të ndani Të Vërtetat e Pakëndshme, aq më vështirë bëhen për t’u ndarë ato.
Arsyeja: Komunikimi me ekipin bëhet më i vështirë kur ju vazhdoni të rriteni brenda kompanisë
Në një ekip prej tre personash ekzistojnë 6 kombinime që duhet të formohen:
- Personi A me personin B, C
- Personi B me personin A, C
- Personi C me personin A, B
Në një ekip prej gjashtë personash, ka 25 kombinime:
- Personi A me personin B, C, D, E, F
- Personi B me personat A, C, D, E, F
- Personi C me personin A, B, D, E, F
- Personi D me personin A, B, C, E, F
- Personi E me personat A, B, C, D, F
Nëse ekipi juaj rritet nga tre në gjashtë njerëz, kjo është 19 lidhje të reja të besueshme që duhet të formohen. Ju mund të shihni lëmshin që bëhet në skuadrat më të mëdha.
Ndarja e një të vërtete të pakëndshme ndodh vetëm kur ekziston një lidhje e besueshme midis dy personave. Dhe, sa më i madh të bëhet një ekip, aq më shumë shtohen individët me të cilët duhet të krijosh një lidhje të besuar.
Nëse anëtarët e ekipit nuk i besojnë një personi tjetër, ata me gjasa do t’i mbajnë gjërat për veten e tyre, sesa të rrezikojnë që t’ia tregojnë personit tjetër. Nëse unë jam në ekipin tuaj dhe ende nuk e di se si do të reagoni ndaj meje duke ju thënë se unë mendoj se dikush duhet të pushohet nga puna, unë nuk do ua them atë. Nuk e di nëse do të gjykoni negativisht performancën time dhe nuk e di nëse do të pajtoheni me pikëpamjet e mia.
Tregoni histori për t’i bërë punonjësit të ndajnë të vërtetat e pakëndshme
Tregoni histori për kohët kur një punonjës iu tha një të Vërtetë të Pakëndshme dhe kjo pati një ndikim pozitiv në ekipin tuaj. Ja se si:
- Kur mësoni për një të vërtetë të pakëndshme, falenderoni personin që pati guximin ta ndante atë.
- Merrni lejen e personit për të ndarë historinë me ekipin ose kompaninë.
- Tregoni historinë verbalisht para gjithë kompanisë ose ekipit. Idealisht është mirë nëse punonjësi tregon historinë e tij, ose nëse ju dhe punonjësi tregoni historinë së bashku.
- Ndani ndikimin pozitiv që kishte e vërteta e pakëndshme në ekip.
Lexoni: Amazon paguan punonjësit e saj të trajnohen për punë në kompani të tjera
Duke njohur ndikimin pozitiv të së vërtetës së pakëndshme në ekipin tuaj, ju e përgëzoni punonjësin, i cili pati guximin të ecë përpara dhe po ndërtoni udhën për të ndjekur të tjerët.
burimi: INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
