Ja cilat janë detyrat që CEO-t nuk do të delegonin asnjëherë - Business Magazine Albania

Ja cilat janë detyrat që CEO-t nuk do të delegonin asnjëherë


“Komunikimi i lajmeve të këqija. Kur bëhet fjalë për aspekte të biznesit që nga dështimet, tek performanca e keqe, pushimi nga puna i dikujt dhe shumë të tjera edhe pse ne duam t’i fuqizojmë njerëzit tanë nuk ua delegojmë kurrë atyre këto detyra. Preferojmë që ata t’i dëgjojnë lajmet e këqija nga CEO-ja e tyre. Kjo iu jep njerëzve tanë një ndjenjë se ka udhëheqje në krye dhe se ne nuk largohemi nga gjërat sfiduese.”

Ahmass Fakahany CEO, Altamarea Group (ushqime & pije)

63% rritje 3-vjeçare

Të ardhura prej 65.7 milionë $ nga 2015

“Disa njerëz punësojnë formulatorë për markat e tyre. Kjo është diçka që kurrë nuk do ta delegoja. Unë jam i përfshirë thellë në formulimin e çdo produkti, në të gjitha aspektet dhe mendoj se kjo shkon së bashku me mbajtjen e qëndrueshmërisë së markës dhe jo duke lejuar që dikush të dobësojë impaktin që ka marka në një kompani.”

Doug Miller CEO, Core Nutritionals (shëndetësore)

407% rritje 3 vjeçare

2.3 milionë $ të ardhura nga 2015

Çfarë thotë Eksperti …

“Kur i jepni përparësi asaj që delegoni, pyesni veten, cilat aftësi tejkalojnë tuajat në një fushë të caktuar. Më pas pyesni veten se çfarë iu pëlqen të bëni më së shumti. Çfarë ju emocionon? Nëse keni katër ditë pushim, ku do ta kalonit kohën tuaj kur askush nuk do iu kërkonte? Delegoni gjërat që ju pëlqejnë më së paku njerëzve që kanë aftësi për t’i trajtuar ato. Shtrohet pyetja ‘Çfarë di të bëj më së miri?’ Drejtuesit e mëdhënj ndajnë të gjithë një tipar: një gatishmëri për të qenë vulnerabël. Ata vetë janë të vetëdijshëm se në çfarë fushash janë më të mirët dhe në çfarë fushash jo. Përqëndrohuni në atë që jeni më të mirët dhe delegojeni pjesën tjetër. Është një kombinim i aftësisë për të njohur dhuratat dhe talantet tuaja plus dhuratat dhe talentet e ekipit tuaj. ”

Jason Hanold CEO, Hanold Associates (burimet njerëzore)

87% rritje 3 vjeçare

5.3 milionë $ të ardhura nga 2015

“Mirënjohja. Nëse mund të falënderoj dikë për një punë të mirë, kjo bën një diferencë të madhe kur vjen nga unë sesa t’i them menaxherit të tij/saj për ta falenderuar atë person për mua.”

John Stires Bashkëthemelues, Brooklyn Winery (ushqim dhe pije)

95% rritje 3-vjeçare

5.2 milionë $ të ardhura nga 2015

“Kontrollimi i menaxhimit të nënshkrimeve dhe menaxhimi i parave.  Çdo javë, unë kontrolloj paratë cash, llogaritë e pagueshme, llogaritë e arkëtueshme, porositë në pritje, porositë e dërguara dhe porositë e faturuara. Nëse e shoh këtë, unë e kuptoj nëse kam një biznes që është në telashe apo një biznes që po rritet. ”

Tracy Holland CEO, Hatchbeauty (produkte dhe shërbime të konsumit)

530% rritje 3 vjeçare

59.1 milionë $ të ardhura nga 2015

Po ju çfarë nuk do të delegonit asnjëherë?

burimi: INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0