8 zakonet e njerëzve me vetëbesim të lartë - Business Magazine Albania

8 zakonet e njerëzve me vetëbesim të lartë


Nuk ka një zgjidhje magjike që papritmas do t’ju bëjë një person me vetëbesim të lartë. Por, kur përqendroheni në hapat e qëndrueshëm dhe të vegjël, mund të transformoni veten nga një mentalitet fiks në një mentalitet rritës. Ndërtimi i besimit është si momenti i vrullit: Vetëm vazhdoni të veproni dhe do të ndiheni gjithnjë e më shumë të sigurt me çdo hap pozitiv.

Këto janë 8 mënyra për të zhvilluar mentalitetin e përbashkët të njerëzve me vetëbesim të lartë:

1. Përcaktoni qëllimin tuaj.

Është e vështirë të keni besim në atë që bëni nëse nuk jeni të sigurt përse po e bëni. Cili është qëllimi juaj në punë dhe në jetë? Sapo të gjeni përgjigjen e kësaj pyetjeje, ju do të keni më shumë besim te vetja sepse do t’i keni objektikat të qartë.

2. Mos e krahasoni veten me të tjerët.

Në pothuajse çdo rast, kur ju krahasoni veten me dikë tjetër, është një formë negative që tregon se ju nuk jeni mjaftueshëm të mirë. Duke e bërë këtë ju humbisni vetëbesimin. I vetmi person me të cilin duhet t’a krahasoni veten është me versionin më të mirë që ju mund të bëheni.

3. Fokusohuni te zgjidhjet.

Gjithmonë do të përballeni me sfida. Por përqëndrimi vetëm në një problem është një praktikë vetë-mposhtëse. Në vend të kësaj, pranoni që problemet do të lindin, dhe kur kjo të ndodh, përqëndrohuni në gjetjen e zgjidhjeve si një lider i fortë. Sa më shumë probleme të kapërceni, aq më shumë besim do të ndërtoni dhe aq më e lehtë do të jetë gjetja e zgjidhjeve.

4. Vepro!

Frika është paralizuese. Injorojeni zërin në kokën tuaj që ju thotë se nuk mund të bësh asgjë, dhe veproni gjithsesi. Sa më shumë që të lejoni që frika t’iu mbajë prapa, aq më i fortë do të bëhet zëri negativ. Funksionon edhe në drejtimin tjetër: Sa më shumë që të veproni, aq më i urtë do të bëhet zëri negativ.

5. Pasqyrojeni krenarinë me pamjen tuaj.

Kur dukeni mirë, ju ndiheni mirë. Kur ndiheni mirë, ju ndiheni të sigurt. Vishni rrobat që dëshironi të vishni. Investoni në pamjen tuaj dhe kështu ju do të investoni në suksesin tuaj.

6. Fokusohuni në gjërat pozitive.

Bisedat negative dhe pesimizmi janë një cikël i keq dhe një humbje e besimit tuaj. Përqëndrohuni në atributet tuaja pozitive në vend të dobësive; Përqëndrohuni në arritjet tuaja dhe jo në dështimet tuaja. Përqëndrohuni në atë që funksionon në vend të asaj që nuk funksionon.

7. Qëndro gati.

Suksesi është gjysmë përgatitje dhe gjysmë mundësi. Studioni, praktikohuni dhe bëni atë që duhet për t’u përgatitur kur mundësia e duhur të trokas në derën tuaj. Nëse jeni të përgatitur, ju keni më shumë besim te vetja dhe kështu do të përfitoni nga mundësitë.

8. Përvetësoni fuqinë e gjuhës së trupit

Gjuha e trupit flet shumë më fort se fjalët. Kur ndiheni keq me veten tuaj, ndërroni qëndrimin tuaj: Tërhiqeni shpatullat mbrapa, mbani kokën lart, qëndroni me këmbë të hapura dhe ngrini duart në ajër si një superhero. Do t’a shihni se si qëndrimi i ri do të ndryshojë gjendjen tuaj dhe do t’iu rrisë besimin.

/Inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0