Qeveria parashikon të mbledhë rreth 31 miliardë lekë më shumë të ardhura në buxhetin e 2016-s, krahasuar me realizimin e këtij viti.
Ministri i Financave, Shkëlqim Cani u tha deputetëve në Komisionin e Ekonomisë se, rritja do të vijë nga miradministrimi dhe operacioni kundër informalitetit.
Sipas Canit, vetëm nga lufta kundër evazionit, qeveria pret rreth 14 miliardë lekë. Por, deputetët e opozitës e kanë quajtur këtë pretendim si një demagogji, duke akuzuar qeverinë se, pasi rriti fort taksat për dy vite me radhë, ka përkeqësuar financat dhe ekonominë e vendit.
Sipas tyre, të ardhurat e mbledhura në këto dy vite nuk justifikojnë dot as rritjen e taksave, çfarë tregon se ka rritje të evazionit.
/Top-Channel/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
