Në një letër lamtumire, Tim Cook ka zbuluar një nga zakonet më të thjeshta, por më të fuqishme që ka ndjekur gjatë 15 viteve si CEO i Apple: çdo mëngjes lexonte email-et e klientëve.
Ndryshe nga shumë drejtues të mëdhenj që mbështeten tek raportet, analizat apo përmbledhjet nga ekipet, Cook ka zgjedhur të lidhet direkt me përdoruesit e produkteve Apple. Ai shkruan se për 15 vite me radhë e ka nisur ditën duke lexuar mesazhe reale nga njerëz në mbarë botën, duke dëgjuar si historitë pozitive ashtu edhe ankesat.
Ky zakon, sipas analizës, është një nga arsyet kryesore pse Apple ka arritur një rritje të jashtëzakonshme gjatë mandatit të tij, duke kaluar nga rreth 350 miliardë dollarë vlerë tregu në mbi 4 trilionë dollarë.
Lexo edhe: 7 sfidat që e presin CEO-n e ri të Apple, John Ternus
Ndërkohë që shumë CEO humbasin kontaktin direkt me klientët dhe e shohin realitetin përmes filtrave të brendshëm, Cook ka insistuar të dëgjojë “zërin e vërtetë” të përdoruesve. Ai ka lexuar histori konkrete, si raste ku produkte si Apple Watch kanë shpëtuar jetë, por edhe kritika për problemet që duhen zgjidhur.
Ky qasje, e trashëguar pjesërisht edhe nga Steve Jobs, është kthyer në një ritual të përditshëm që i ka kujtuar vazhdimisht për kë punon kompania: përdoruesin fundor.
Në thelb, mesazhi i Cook është i qartë: një lider që qëndron i lidhur me klientët merr vendime më të mira sesa ai që fokusohet vetëm te tregjet financiare apo metrikat e brendshme.
Pas largimit të tij, drejtimin e kompanisë pritet ta marrë John Ternus, i cili përballet me sfidën për të ruajtur këtë lidhje direkte me përdoruesit, në një kompani që tashmë operon në një shkallë shumë më të madhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
