Pas pandemisë së COVID 19, digjitalizimi i bizneseve dhe ekonomisë është kthyer tashmë në një domosdoshmëri. NOA është kompania e vetme në mikrofinancë që ofron një proces tërësisht të digjitalizuar përsa i përket dhënies së huave dhe ndihmës ndaj klientëve. Këtë eksperiencë të kompanisë, drejtorja ekzkeutive e NOA-s, Herjola Spahiu e ndau me të pranishmit në aktivitetin e organizuar nga USAID, që mblodhi në Tiranë aktorë të ndryshëm të ekosistemit Fintech (financial technology- teknologjia financiare) nga Shqipëria, Serbia dhe Maqedonia e Veriut.
“Tregova për rrugëtimin tonë drejt ofrimit të të gjithë proceseve financiare në mënyrë teknologjike, përvojën me klientët, sfidat me rregullatorët, mungesën e njohurive financiare dhe mundësitë për të përmirësuar më tej aksesin e SME-ve në produktet financiare. Ishte bukur të flisje për tregtinë elektronike, faktorizimin dixhital, huadhënien dixhitale, platformat e referimit dixhital, etj, si e ardhmja e afër dhe mënyra më e mirë për t’i shërbyer konsumatorëve dhe ekonomisë së vendit”, shprehet numri një i NOA-s, Spahiu.
Aktiviteti rajonal i USAID që u zhvilluar në Tiranë synon që të lehtësojë qëndrueshmërinë dhe rritjen e ndërmarrjeve të vogla dhe të mesme (SME), duke përmirësuar aksesin e tyre dhe përdorimin e financave të përshtatshme. Një nismë që ndihmon në mobilizimin e kapitalit dhe diversifikimin e tregut financiar në Ballkanin Perëndimor, duke bashkëpunuar me partnerët për të zhvilluar produkte dhe shërbime financiare dhe për të lehtësuar rritjen afatgjatë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
