7 mënyra se si liderët e mëdhenj inspirojnë ekipet e tyre - Business Magazine Albania

7 mënyra se si liderët e mëdhenj inspirojnë ekipet e tyre


Nga përvoja ime, udhëheqësit e vërtetë janë shumë të rrallë. Kur kam takuar një, u përpoqa të mësoja sa më shumë prej tij që të ishte e mundur, në mënyrë që unë mund të përfshija veprimet e tij në stilin tim të udhëheqjes.

Shumë liderë kishin si taktikë “motivuese” kërcënimin në mënyrë të vazhdueshme të njerëzve për vendin e punës.  Udhëheqësit frymëzues mund të motivojnë ekipet e tyre pa arritur te frika, sepse njerëzit e tyre i duan ata dhe ata nuk duan t’i lënë në baltë.

Këtu janë shtatë veprime që udhëheqësit frymëzues marrin për të motivuar ekipet e tyre drejt madhështisë.

1) Janë mbështetës

Një menaxher i mirë u jep punonjësve të tij / saj mjetet që duhet të jenë të suksesshëm. Një menaxher i keq cakton detyra me pak ose aspak drejtim dhe pastaj nervozohet, kur i punësuari nuk i plotëson pritshmëritë. Jini i arritshëm në mënyrë që punonjësit tuaj të mund të bëjnë pyetje.

2) Kuptojnë dhe shfrytëzojnë pushtetin e “falënderimit”

Përforcimi pozitiv është një nga mjetet më efektive për një person në një rol udhëheqës. Një nga ankesat më të mëdha nga njerëzit që e urrejnë punët e tyre është se ata nuk marrin ndonjë kredit për një punë që e kanë bërë mirë. Nëse ju doni që të punësuarit tuaj të punojnë për ju dhe të bëjnë më të mirën e tyre, provoni duke u dhënë atyre disa lëvdata herë pas here, kur ata e bëjnë punën mirë. Askush nuk pëlqen të punojë në një mjedis përbuzës.

3) Drejtojnë në mënyrë shembullore

Nëse ju doni që të punësuarit tuaj t’ju marrin seriozisht ju duhet të drejtoni në mënyrë shembullore. Në qoftë se ata vënë në dyshim punën tuaj etike, integritetin tuaj, apo aftësitë që ju bëni një punë mirë, atëherë ata me shumë gjasa nuk do e bëjnë punën e tyre mirë. Si udhëheqës, ju duhet të “flakëroni” rrugën për sukses. Si menaxher, mendoni për shembullin që keni vendosur kur vini vonë dhe largoheni shpejt.

4) Janë socialë

Shumë kompani kanë prerë datën e festës së Krishtlindjeve. Edhe në qoftë se ju nuk bëni një festë për Krishtlindje, ju duhet të vini disa evente gjatë gjithë vitit për të treguar vlerësimin dhe për të rritur moralin. Nëse ka shqetësime buxhetore bëni vetëm diçka të thjeshtë. Duke lejuar ekipin tuaj që t’iu njohi sadopak jashtë nga zyra krijon një lidhje të fortë me punonjësit tuaj. Askujt nuk i pëlqen të punojë për një menaxher që fshihet në zyrë gjatë gjithë ditës dhe bashkëveprimi është vetëm përmes emailit.

5) Dëgjojnë të punësuarit e tyre

Sigurohuni që zërat e punonjësve tuaj të dëgjohen. Për të nxitur një mjedis inovativ, menaxhimi duhet të jetë i hapur për idetë e punonjësve të tyre. Asgjë nuk e mbyt progresin më shumë se ndalimi i punonjësit tuaj për ide. Shumë shpejt ata nuk do t’iu ofrojnë më asgjë atyre. Kjo do të çojë në ngërç brenda kompanisë tuaj.

Gjithashtu, konsideroni një anketim anonim për kënaqësinë e punonjësve tuaj.  Kjo do të masë nëse ka gjëra për t’u përmirësuar në mjedisin e punës. Kompanitë që nuk e bëjnë këtë gjë më punonjësit e tyre janë duke rrezikuar të mos dinë se çfarë janë problemesh janë në kompanitë e tyre. Kështu që ata nuk kanë asnjë mënyrë për rregullimin e tyre.

6) Janë bujarë

Studimet tregojnë se kompanitë që ofrojnë stimuj kanë një normë më të madhe përmirësimi. Nëse ajo është një rritje në detyrë, një bonus, kohë shtesë pushimi, një titull më i mirë, ose një kombinim i lartpërmendur, stimujt duhet të jenë një pjesë e strategjisë për mbajtjen e punonjësve tuaj.

7) Menaxhojnë me autoritet jo me frikë

Ju mund të jeni autoritar; dhe ende të jeni me integritet dhe respekt. Punonjësit tuaj duhet të dinë se kanë dikë shumë kompetent në krye.

“Përsosmëria nuk është e arritshme. Por nëse e ndjekim atë, ne mund të arrijmë përsosmërinë.” Vince Lombardi

 

burimi: Inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0