7 aftësitë që duhet të zhvilloni për të pasur sukses


Rutina dhe zakonet tuaja ndihmojnë në krijimin e jetës tuaj, por sigurisht që ka dhe faktorë të tjerë në lojë.

Sot, dua t’ju tregoj se si zakonet mund të funksionojnë së bashku me aftësitë e tjera për t’iu dhënë suksesin dhe lumturinë që meritoni në jetën tuaj.

Lexoni: Si ndikojnë zakonet në suksesin tuaj?

  1. Kreativiteti – ju mundëson të gjeni zgjidhje unike për problemet dhe t’i shikoni gjërat në mënyra të ndryshme
  2. Të mësuarit – ju mundëson të avanconi dhe të përparoni në jetë. (Nëse dini sekretet e të mësuarit në mënyrë efektive.)
  3. Memorja – një aftësi jetike, sepse pa kujtesë nuk keni asgjë për të bërë dhe asgjë për të fituar nga të gjithë të mësuarit ose eksperiencat që keni fituar gjatë jetës suaj.
  4. Fokusi – nëse jeni duke u ngjitur në shkallët e karrierës, ose duke mësuar si të jeni prind i përgjegjshëm – fokusi është rrjedha që ju lejon të plotësoni detyrat tuaja të përditshme, si dhe t’ju mbajë në rrugën e duhur drejt qëllimeve tuaja finale.
  5. Motivimi – ju ndihmon për të ecur përpara dhe ju jep energji dhe fokus për të arritur detyrat dhe objektivat tuaja. Pa motivim, zakonisht ndihemi të pakënaqur me punën dhe jetën tonë.
  6. Zakonet – përgatitja për punë në mëngjes, ecja me qenin tuaj në mbrëmje, ose krijimi i kohës gjatë fundjavave për familjen dhe miqtë – kjo ndodh si rezultat i zakoneve që keni ndërtuar me kalimin e kohës.
  7. Koha – pa menaxhimin e duhur të kohës, do të luftoni që të arrini qëllimet tuaja kryesore. Ju do të jeni vazhdimisht të zënë, por kjo nuk përkthehet në produktivitet.

Siç mund ta shihni, këto 7 cilësi janë shumë të ndërlidhura me njëra tjetrën dhe me suskesin. Dhe, për rrjedhojë, duke studiuar vetëm një prej tyre, ju rrezikoni të humbni përfitimet e fuqishme që vijnë nga sinteza e të gjithë atyre. Është sikur të hani vetëm minerale … duke harruar të konsumoni gjërat e domosdoshme dietetike si proteina, vitamina, etj.

Lexoni: Fëmijët më të suksesshëm marrin këto 8 dhurata nga prindërit e tyre

Mos më keqkuptoni. Nuk është gjë e keqe të mësoni se si të zhvilloni në mënyrë specifike motivimin ose fokusin tuaj. Por, ju duhet të fokusoheni gjithmonë tek pamja më e madhe. Duke përmirësuar të gjitha këto aftësi, ju do të avanconi shumë më të shpejt në jetën tuaj dhe përparimi do të jetë më i qëndrueshëm gjithashtu.

/Lifehack

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale