5 Fjalime diplomimi që do t'iu frymëzojnë - Business Magazine Albania

5 Fjalime diplomimi që do t’iu frymëzojnë


Meqënëse është dhe sezoni i diplomimeve, BusinessMag ka përzgjedhur disa nga fjalimet më frymëzuese të këtyre shtatë viteve nga njerëz që sot janë shembull për shumë student në të gjithë botën.

Këshilla praktike dhe të dobishme që do t’iu mbeten gjatë në mendje.

5) Dështimi është i pashmangshëm, kështu që të paktën dështo duke bërë atë që do – Jim Carrey, Shkolla e Menaxhimit të Universitetit Maharishi, 2014

“Kam mësuar shumë gjëra të mrekullueshme nga babai im dhe një prej tyre është se ju mund të dështoni në atë që ju nuk dëshironi, kështu që më mirë provoni të bëni atë që doni.”

4) Shkalla e karrierës ka vdekur, por kjo nuk përbën asnjë problem — Sheryl Sandberg, Universiteti Harvard, 2012

“Nuk ka një rrugë të drejtë nga vendi ku ndodheni drejt asaj ku doni të mbërrini. Mos u mundoni të bëni një plan. Karrierat nuk janë shkallë, por një xhungël e trazuar. Mos lëvizni lart e poshtë, mos shikoni lart, prapa, anash dhe përreth qosheve. Jeta dhe karriera juaj do të ketë vrulle, ndalesa dhe shumë zig zage. Mos kërkoni të ngjiteni shpejt lart, sepse rruga drejt suksesit ka shumë supriza dhe mundësi.”

3) Gjithmonë tregohu i sinqertë me veten dhe me të tjerët — Henry Kravis, Kolegji Claremont McKenna, 2010

“Në mënyrë që të keni integritet profesional, ju duhet të keni integritet personal. Ju nuk mund t’ia hidhni me idenë se produkti ynë ka më pak defekte sesa konkurrentët, ose shërbimi ynë nuk është aq i keq sa të tjerët. As nuk mund t’i thoni vetes unë mashtroj për taksat e mia më pak se shumica e njerëzve’. Nuk ka vend për relativizëm kur përpiqeni për vërtetësi, ndershmëri dhe besnikëri”.

2) Lëri ëndrrat dhe fokusohu te puna e palodhur — Shonda Rhimes, Universiteti Dartmouth, 2014

“Ëndrrat nuk bëhen realitet vetëm sepse ti ëndërron për to. Është puna e vazhdueshme që realizon gjithçka. Është puna e palodhur ajo që sjell ndryshimin… Ëndrrat e mia nuk u bënë realitet, por unë punova shumë. Dhe përfundova duke ndërtuar një perandori përtej imagjinatës sime. Po ëndrrat? Ato le të shkojnë në djall.”

1) Rregullo shtratin — Admiral William McRaven, Universiteti i Teksasit, 2014

“Nëse nuk arrin të bësh gjërat e vogla siç duhet, ti asnjëherë nuk do të mund të bësh gjërat e mëdha. Dhe nëse keni kaluar një ditë të keqe, ju do të shtriheni në një krevat të rregullt, të cilin e keni rregulluar vetë dhe një shtrat i rregullt ju jep ndjesinë se nesër do të jetë më mirë.”

/Time

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0