3 tipet e njerëzve që bëhen të pasur - Business Magazine Albania

3 tipet e njerëzve që bëhen të pasur


Thomas C. Corley studioi dhe intervistoi 233 individë të pasur gjatë katër viteve dhe gjeti tre mënyra të përbashkëta për ndërtimin e fatit të tyre. U deshën edhe 18 muaj të tjerë për të përmbledhur dhe analizuar përgjigjet e tyre.

Për t’u bërë i pasur, ka disa gjëra që duhet të bëni me paratë tuaja. BusinessMag në këtë artikull ju sjell 3 tipet e e njerëzve që bëhen të pasur.

Lexoni: Zakonet e njerëzve shumë të suksesshëm

  1. “Kursimtarët”

Vetëm më pak se 22% e njerëzve të pasur në studim hynë në këtë kategori. Të gjithë “Kursimtarët” kishin zero borxhe dhe të ardhura pasive të krijuara nga kursimet e tyre të investuara ishin të mjaftueshme për të përmbushur ose tejkaluar standardin e tyre të jetesës.

Të gjithë kishin pesë gjëra të përbashkëta:

  1. Ata kishin një standard të ulët jetese
  2. Ata zakonisht kishin të ardhura modeste
  3. Të ardhurat e tyre modeste tejkaluan standardin e tyre të ulët të jetesës
  4. Ata ruajtën 20% ose më shumë të të ardhurave të tyre modeste për shumë vite
  5. Ata vazhdimisht dhe me kujdes investuan kursimet e tyre për shumë vite.

Kursimtarëve iu deshën rreth 32 vjet për të grumbulluar një pasuri mesatare prej 3.4 milionë dollarë.

  1. “Virtuozët”

Përafërsisht 27% e njerëzve të pasur në studim ishin “virtuozë”. Këta njerëz të pasur ishin virtuozë në karrierën, industrinë ose profesionin e tyre. Ata ishin ndër më të mirat në atë që bënin.

Këta individë ose punonin për korporata të mëdha publike, në të cilat një pjesë e rëndësishme e kompensimit të tyre ishte kompensimi i bazuar në aksione ose ata ishin sipërmarrës / pronarë të bizneseve të vogla që ishin shumë fitimprurëse.

Atyre ju deshën rreth 20 vjet për të grumbulluar një pasuri mesatare prej 4 milionë dollarë.

  1. “Ëndërrimtarët”

“Ëndërrimtarët” ishin deri tani grupi më i pasur në studim. Përafërsisht 51% e tyre ishin individë që ndoqën një ëndërr të madhe dhe ishin në gjendje ta kthenin atë ëndërr në realitet. Ëndrra e tyre u dha atyre një sasi të madhe të ardhurash dhe ata grumbulluan një mesatare prej 7.4 milionë dollarë në rreth 12 vjet.

Lexoni: Sakrificat që bëjnë njerëzit e suksesshëm për të arritur qëllimet e tyre

Nëse dëshironi të jeni të pasur, e vetmja gjë e rëndësishme është të zgjidhni një rrugë që funksionon për ju dhe të qëndroni me të për shumë vite. Një emërues i përbashkët i të gjitha niveleve të pasurisë ishte koha – u deshën shumë vite për të grumbulluar pasurinë e tyre.

/BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0