Le të jemi të ndershëm, sa prej nesh lexojmë me të vërtetë kushtet kur regjistrohemi për ndonjë gjë? E pra, 22.000 njerëz kanë nënshkruar padashur për të kryer 1.000 orë shërbime në komunitet në këmbim të Wi-Fi falas.
Ofruesi publik i Wi-Fi Purple shtoi një kusht për shaka në rrjetin e saj T & Cs për të ilustruar “mungesën e vetëdijes së konsumatorit” për atë që njerëzit po nënshkruajnë deri kur hyjnë në portalet falas të Wi-Fi.
Lexoni: Ndërtohet fabrika e parë e lëvizshme për riciklimin në botë, e cila kthen mbetjet në tulla
Duke rënë dakord me T & C-në, njerëzit pa dashje ranë dakord për një “klauzolë të shërbimit të komunitetit” që i nënshkruan ata për të pastruar banjot publike, për të gjetur macet e humbura dhe për të pikturuar guackat e kërmijve. Uau.
Përdoruesit mund t’i kërkohet, sipas gjykimit të Purple, të kryejë 1.000 orë shërbimesh në komunitet. Kjo mund të përfshijë pastrimin e mbeturinave të kafshëve në parqet lokale. Sigurimi i maceve dhe qenve të humbur. Pastrimi i tualetëve portativë në festivalet lokale dhe evente të ndryshme. Pikturimi i guackave të kërmijve për të ndriçuar ekzistencën e tyre, heqja e çëmçakëzëve nga rrugët etj.
Çuditërisht, vetëm një person gjatë këtij truku dy-javor i zbuloi kushtet.
Kjo përbën një pjesë të njoftimit të Purple-it se është ofruesi i parë Wi-Fi i pajtueshëm me Rregulloren e Përgjithshme të Mbrojtjes së të Dhënave (GDPR), që përputhet me legjislacionin e ri të qeverisë së Mbretërisë së Bashkuar, i cili hyn në fuqi në maj të 2018. Ligjet e reja të GDPR-së do të paraqesin një kusht që kërkon miratimit e përdoruesve para se të dhënat personale ose të sjelljes të tyre mund të përdoren për qëllime marketingu.
“Përdoruesit e Wi-Fi duhet të lexojnë kushtet e përdorimit kur ata regjistrohen për të hyrë në një rrjet. Me çfarë janë duke rënë dakord, sa të dhëna po ndajnë dhe çfarë liçence u japin ofruesit? Eksperimenti ynë tregon se është shumë e lehtë të çekosh një kuti dhe të biesh dakord me diçka të padrejtë ,” thotë Gavin Wheeldon, CEO i Purple.
Fatmirësisht, kompania nuk ka ndërmend të detyrojë askënd të pastrojë apo të lyejë guacka kërmilli. Çfarë lehtësimi.
burimi: Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
