10 gjëra që do të doja t’i dija para se të bëhesha një sipërmarrës


Duke punuar si një zëvendës president për kompaninë “Fortune 100” dhe duke drejtuar shërbimet IT për 48.000 përdorues përfundimtarë në një shkallë globale, ishte një punë e vështirë. Ishte me orë të gjata, me shumë presion dhe konsumatorë të vështirë. Por kjo nuk ishte asgjë krahasuar me fillimet e mia, kur iu bashkova radhëve të sipërmarrësve dhe kur fillova biznesin tim.

Këtu jane 10 gjërat që do të doja t’i kisha ditur para se të filloja, pasi do të më kishte ndihmuar të përgatitesha më mirë në vitet e para të jetës sime si sipërmarrës.

1.Mos krijoni produkte të reja, zgjidhni problemet

42% të lëshimit të produkteve dështojnë, sepse nuk është nevoja për produkt. 42% dështojnë, sepse askush nuk e dëshiron produktin. Kështu që në vend që të përpiqeni për të zhvilluar një produkt të ri dhe të mrekullueshëm, kërkoni të zgjidhni problemet e produkteve aktualë. Ku ka një problem, ekziston një nevojë.

2.Harroni të bëheni të suksesshëm brenda natës

Edhe kompanive, të cilat konsiderohen si të suksesshme brenda natës, Amazon dhe Yahoo, iu deshën të paktën tre vjet për të arritur aty ku janë sot dhe shumicës së kompanive të tjera iu deshën 10 vjet për t’ia dalë mbanë. Kështu që në qoftë se qëllimi juaj është të bëheni pronari bilioner i një startup-i ju duhet që të përgatiteni për një ngarkesë të madhe.

3.Fokusohuni në pikat e forta tuajat, jo në dobësitë tuaja

Suksesi juaj do të vijë nga pikat e forta tuajat kështu që sigurohuni që shumica e kohës suaj të fokusohet në këtë pjesë. Të gjithë kemi pikat e dobëta, por mund të kontraktoni të tjerë që të kujdesen për to. Fokusimi në pikat e dobëta ju mban larg nga ajo, në të cilën ju jeni më të mirët dhe kjo nuk është në dobi të kohës suaj.

4.Merrni skuadrën e duhur rreth jush

Nuk mund t’i bëjmë të gjitha vetë, kemi nevojë të sigurohemi për të marrë ndihmën e duhur. 29% e startup-eve deshtojnë, sepse kanë skuadrën e gabuar. Kështu që merrni kohën e nevojitur për të gjetur skuadrën që ju duhet dhe më pas punësoni personat më të përgatitur që mundeni.

5.Në qoftë se do të dështoni, dështoni shpejt

Dështimi është pjesë e proçesit, jo vetëm që duhet ta prisni, por ju duhet ta planifikoni atë. Qasja më e mirë për dështimin është që të dështoni shpejt, të përshtateni dhe të provoni përsëri. Gjëja më e keqe që mund të bëni është të dështoni ngadalë, duke shpresuar që gjërat të ndryshojnë rreth jush. Duhet të mësoni shpejt çfarë punon ashtu si duhet dhe çfarë duhet ndaluar.

6.Kuptoni vlerën e produktit tuaj

Në qoftë se ju nuk kuptoni vlerën e produktit tuaj, ju praktikisht po e bëni të pamundur që njerëzit të blejnë prej jush, sepse ata nuk do të dinë se çfarë po shisni. Sa më të qartë dhe me të thjeshtë të jeni, aq me shpejt njerëzit do e kenë të vendosin se çfarë u nevojitet nga shërbimet tuaja.

7.Njihni klientin tuaj

Jam i habitur sesi shumë sipërmarrës luftojnë për të gjetur se cili është klienti i tyre ideal, përfshirë edhe veten time. Në qoftë se ju nuk e dini përgjigjien të kësaj pyetjeje të thjeshtë, kjo e bën praktikisht marketingun të pamundur. Sa më i ngushtë të jetë përcaktimi i kësaj, aq më i shënjestruar dhe më i suksesshëm do të jetë marketingu juaj dhe kjo do të rrisë shitjet tuaja.

8.Jo çdo klient është i duhuri për ju

Të gjithë e kemi dëgjuar shprehjen “klienti ka gjithmonë të drejtë”, ndërsa kjo është mirë për ta ditur, më e rëndësishme është të dini se “jo çdo konsumator është i duhuri për ju”. Nuk duhet t’i druhemi faktit që të heqim dorë nga disa klientë ku marrëveshja me ta zvogëlon përfitimin. Ashtu sikur ka produkte dhe kompani të këqija, ashtu ka edhe klientë të këqinj dhe ne duhet të mësojmë që është në rregull t’i lëmë të ikin dhe të fokusohemi për të gjetur klientët e duhur.

9.Mësoni nga gabimet e të tjerëve

Gabimet janë mundësia më e madhe për të mësuar, por jo domosdoshmërisht duhet të bëjmë gabime që të mësojmë prej tyre. 80% e startup-eve dështojnë, kështu që studioni arsyen që i shkakton ato dhe sigurohuni të ndërmerrni hapat e nevojshëm për të shmangur atë, që mos të ndodhë përsëri, kjo kursen kohë, para dhe stres.

10.Pa shitje, s’ka biznes.

Shitjet janë si oksigjeni dhe pa to, ne vdesim. Është kaq e thjeshtë për të arritur te dizajni i produktit, marketingu, planifikimi, rekrutimi, marka etj., por ne duhet të dimë që jemi në biznes për të fituar para dhe që të bësh para duhet të shesësh. Biznesi nuk zhvillohet vetëm sepse ne kemi disa ide të mira, produkte dhe shërbime.

 

/Shkruar nga Gordon Tredgold dhe publikuar nga Entrepreneur.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale