Të nisësh një biznes është emocionuese, por edhe shumë lodhëse. Kur kompania arrin sukses dhe gjërat shkojnë mirë, shpesh është tundimi i madh për të qëndruar në zonën e rehatisë. Megjithatë, kjo zonë është e rrezikshme për zhvillimin afatgjatë të biznesit tuaj.
Zona e rehatisë krijon një ndjenjë të rreme sigurie, që mund të pengojë rritjen dhe inovacionin. Siç e shprehu aktorja Regina King: “Zonat e rehatisë janë aty ku ëndrrat shkojnë për të vdekur.” Nëse ndjeni se po qëndroni në këtë zonë, pyesni veten:
- Çfarë gjendet brenda zonës tuaj të rehatisë dhe çfarë përtej saj?
- Sa shpesh guxoni të dilni jashtë saj?
- Kur ka qenë hera e fundit që e kapërcyet atë dhe çfarë mësuat nga ajo përvojë?
Lexo edhe:Ky startup slloven përmirëson sigurinë e shtëpive inteligjente me AI dhe paintball
Ja 5 mënyra për të dalë nga zona e rehatisë dhe për të nxitur zhvillimin:
- Identifikoni frikërat tuaja: Shpesh, qëndrimi në vend është i lidhur me frikën. Reflektoni dhe gjeni se çfarë ju ndalon të bëni hapin e radhës.
- Edukohuni vazhdimisht: Njohuria është fuqi. Mësoni mbi trendet e fundit, konkurrentët dhe risitë teknologjike që mund të adoptoni.
- Shfrytëzoni ekipin tuaj: Ekipi juaj ka ide të vlefshme që mund të sjellin përmirësime dhe inovacion. Dëgjoni mendimet e tyre dhe jepuni hapësirë për të kontribuar.
- Mendoni më madhërishëm: Asnjë biznes i suksesshëm nuk është ndërtuar nga mendime të vogla. Shikoni përtej kufijve dhe besoni se asgjë nuk është e pamundur.
- Kuptoni që nuk ka vijë finishi: Suksesi i vazhdueshëm kërkon përkushtim të pafund ndaj rritjes dhe përmirësimit. Mos lejoni që vetëkënaqësia t’ju ndalojë.
Duke dalë nga zona juaj e rehatisë, do të rrisni biznesin, do të frymëzoni ekipin dhe do të pozicionoheni më mirë në treg.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
