Vietnam ka shënuar rritjen më të madhe të numrit të milionerëve në botë në dhjetë vitet e fundit, duke u bërë një nga ekonomitë me zhvillim më të shpejtë në nivel global. Ndër vendet europiane, Malta dhe Monako kanë hyrë në dhjetëshen e parë të rritjes së milionerëve.
Nigeria ka pësuar rënien më të madhe me 48% më pak milionerë, e ndjekur nga Brazili dhe Rusia me rënie prej përkatësisht 28% dhe 26%. Shtetet e Bashkuara të Amerikës, megjithëse renditen në vendin e nëntë me një rritje prej 62%, vazhdojnë të kryesojnë me gati 5.5 milionë milionerë.
Vietnami ka pasur një rritje mahnitëse prej 98%, duke arritur në 19,400 milionerë, sipas Visual Capitalist, i cili ndjek individët me pasuri likuide të investueshme prej një milion dollarësh ose më shumë. Shifrat janë të rrumbullakosura dhe përfaqësojnë banorët e çdo vendi deri në dhjetor 2023.
Lexo:Kontaktoi me të dashurin e saj të vdekur përmes AI dhe i tha që ishte në ferr
India dhe Kina kanë fituar qindra mijëra milionerë të rinj në dhjetë vitet e fundit, duke konsoliduar pozitat e tyre si lojtarët kryesorë në pasurinë globale. Kina ka më shumë se 860,000 milionerë me një rritje prej 92%, ndërsa India ka 326,000 milionerë me një rritje prej 85%. Mauritius, me një rritje prej 87%, renditet i treti pas Indisë dhe Vietnamit, dhe numëron 5,100 milionerë.
Emiratet e Bashkuara Arabe renditen në vendin e pestë me 116,500 milionerë dhe një rritje prej 77%. Malta dhe Monako vijojnë me përkatësisht 10,000 dhe 15,000 milionerë, duke shënuar rritje prej 74% dhe 68%. Singapori gjithashtu bën pjesë në dhjetëshen e parë.
SHBA-të, pavarësisht rritjes prej 62%, vazhdojnë të mbajnë numrin më të madh të milionerëve në botë. Kina po i afrohet shifrës së një milion milionerëve, duke u bërë vendi i dytë pas SHBA-së. Zelanda e Re, me një rritje prej nën 50%, ka arritur në 56,100 milionerë.
Zvicra, Portugalia, Italia, Franca, Gjermania, Greqia dhe Britania e Madhe kryesojnë në Europë për numrin e milionerëve, megjithëse kontinenti ka parë një rënie dhe sot ka 602,500 milionerë. Afrika e Jugut ka regjistruar një rënie prej 20%, Britania e Madhe prej 8%, dhe Japonia dhe Hong Kongu me rreth 5%.
Gjermania ka numrin më të madh të milionerëve në Europë me 806,000, duke iu afruar Kinës, e cila renditet e dyta në botë. Ndërkohë, vendet afrikane si Nigeria dhe Afrika e Jugut kanë parë një rënie të ndjeshme të numrit të milionerëve, kryesisht për shkak të emigrimit dhe paqëndrueshmërisë ekonomike.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
