Shërbimi i mesazheve WhatsApp ka njoftuar dje se ka aktivizuar kriptimin e të gjitha komunikimeve të përdoruesve të tij.
Krijuesi i WhatsApp tha të Martën se aplikacioni tani ka implementeuar kriptimin “end to end”, që do të thotë se vetëm përdoruesit e autorizuar mund të dekriptojnë mesazhet.
“Ideja është e thjeshtë: kur ju dërgoni një mesazh, i vetmi person që mund të lexoj mesazhin është personi ose grupi të cilit i keni dërguar mesazhin. Askush nuk mund të hyj brenda atij mesazhi. As hakerat. As kriminelat kibernetik, Madje as ne.” – shkroi në një blog post Jan Koum dhe Brian Acton.
Lëvizja nga WhatsApp erdhi pas debatit të ashpër mbi përdorimin në rritje të kriptimit dhe si ajo ndikon në investigimin e zbatuesve të ligjit.
Në Shkurt, një gjykatës urdhëroi që Apple të krijonte një version të veçantë të sistemit të saj operativ mobil që do të ndihmonte FBI-në të hynte në telefonin e përdorur ne vrasjet e San Bernardino. Apple kundërshtoi, duke sjellur kështu një debat të gjerë.
Çështja më pas u pushua pasi FBI-ja tha se kishte gjetur një mënyrë për të zhbllokuar telefonin me ndihmën e një pale të tretë.
Por duhet theksuar se ka disa raste të ngjashme të pazgjidhura.
Pajisjet që përdorin WhatsApp mbajnë çelësat e kriptimit dhe dekriptimit të mesazheve të dërguara. Kjo do të thotë se zbatuesit e ligjit nuk mund të shkojnë tek WhatsApp ose tek një ofrues tjetër shërbimi për të marrë këto çelësa.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Arti i shitjes