Udhëtimet na bëjnë shumë më të lumtur se çdo pasuri tjetër materiale, sipas një studimi - Business Magazine Albania

Udhëtimet na bëjnë shumë më të lumtur se çdo pasuri tjetër materiale, sipas një studimi


Shumica e njerëzve u drejtohen dyqaneve me një vendosmëri të madhe sa herë që kanë para në portofolët e tyre dhe me këtë gjest ndihen pak më të lumtur me çdo blerje të re. Megjithatë, kjo kënaqësi zhduket brenda pak ditësh dhe ne mbetemi vetëm me një produkt që dikur donim, por tani e përdorim si çdo produkt tjetër në shtëpinë tonë.

Lexoni: Tony Jeton Selimi – Shqiptari Frymëzues që çon njerëzit në një udhëtim aty ku askush nuk ka shkuar më parë!

Problemi kryesor këtu është se ne përpiqemi të blejmë lumturinë tonë dhe kjo është arsyeja që lumturia zgjat vetëm për disa ditë. Për të gjetur lumturinë e vërtetë, duhet të mësoni si të përshtateni. Ne detyrohemi të kërkojmë blerjen tonë të ardhshme sa herë që niveli i kënaqësisë që ndiejmë për diçka që kemi blerë së fundmi bie dhe e përsërisim këtë proces përsëri dhe përsëri.

Hulumtuesit nga Universiteti Cornell kanë kryer një studim, në të cilin zbuluan një mënyrë se si të prishet ky cikël. Sipas profesorit të psikologjisë, Thomas Gilovich, zgjidhja është që të udhëtoni më shumë! Siç rezulton, njerëzit përjetojnë rritje të lumturisë kur blejnë diçka dhe kur udhëtojnë, por ajo që vërehet është që edhe pse sasia e lumturisë kur blejmë diçka bie me kalimin e kohës, kujtimet e përvojës sonë udhëtuese vazhdojnë të na furnizojnë me notat e lumturisë për një kohë shumë më të gjatë.

Lexoni: Top 10 quotes për udhëtimet

Mësoni aftësi të reja, provoni sporte të reja, madje edhe sporte ekstreme. Shkoni në një event të pazakonshëm, udhëtoni me familjen apo miqtë tuaj. Të gjitha këto janë një burim lumturie që do të zgjasë shumë më tepër sesa të blini diçka që ju pëlqen. Çdo kujtim i ri që bëjmë bëhet një burim i ri, i vërtetë, gëzimi që do të qëndrojë me ne për një kohë të gjatë, ndoshta edhe përjetë!

burimi: fempositive.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0