Vetëm disa javë pas protestave dhe grevave kundër reformës së pensioneve, Franca u përball me pasojat e një jave tjetër trazirash të shkaktuara nga vrasja fatale e një të riu nga një oficer policie të martën e kaluar. Sipas shoqatës franceze të biznesit MEDEF, këto protesta kanë shkaktuar më shumë se 1 miliardë dollarë dëme.
Protestuesit kanë plaçkitur 200 dyqane të mëdha, kanë shkatërruar 300 degë bankash dhe 250 dyqane më të vogla, tha një zëdhënës i MEDEF.
Lexo edhe: Europa është një hap më afër kompjuterit kuantik premtues
Vala e trazirave shpërtheu pasi 17-vjeçari Nahel Merzouk u qëllua për vdekje në periferi të Parisit.
Protestuesit në qytetet anembanë Francës dolën në rrugë në ditët në vijim për të shprehur irritimin e tyre mbi mënyrën se si komunitetet e margjinalizuara të vendit po kontrollohen dhe ngritën pyetje nëse raca ishte një faktor në vdekjen e adoleshentit.
Qeveria franceze po shqyrton ndërkohë mënyra për të ndihmuar bizneset më të prekura nga trazirat, si faljen ose shtyrjen e taksave dhe kontributeve të sigurimeve shoqërore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
