Tirana Bank feston 20 vjetorin në shërbim të klientëve - Business Magazine Albania

Tirana Bank feston 20 vjetorin në shërbim të klientëve


Tirana Bank hapi dyert për komunitetin vendas në Shtator të vitit 1996, si Banka e parë me kapital privat në vend. Ajo lindi falë strategjisë së shtrirjes në rajon të Bankës mëmë, Grupit Bankar të Pireut, grupi më i madh bankar në Greqi, me një histori 100 vjeçare bankingu në shumë vende të Europës.

“Banka e Tiranës u krijua 20 vjet më parë, për t’i shërbyer kërkesave në rritje të popullsisë dhe biznesit, si një domosdoshmëri e madhe në vitet e para të krijimit të ekonomisë së tregut të lirë në Shqipëri”, shprehet Drejtori i Pergjithshem Ekzekutiv i Tirana Bank, Z. Dritan Mustafa. “Jemi rritur bashkë më klientët tanë, nga viti në vit, sikur të ishim të gjithë pjesë e një familje të madhe. Kemi ofruar shërbim, përkushtim, ndihmesë dhe kemi marrë respekt e besnikëri nga klientela dhe punonjësit në çdo moment. Kjo na shtyn të qëndrojmë pranë komunitetit, si me zgjidhje financiare, ashtu edhe angazhime humane, të cilat i kemi një detyrim kundrejt besimit që klientët tanë na kanë dhënë në këto 20 vite. Hapat e ardhshëm në vazhdimësinë dhe rritjen e biznesit, janë në përgatitje nga Grupi Bankar i Pireut në bashkëpunim me stafin tonë të përkushtuar, për të mbështetur klientët e bankës dhe ekonominë shqiptare në tërësi. Shtyllat kryesore në strategjinë e Bankës vazhdojnë të jenë: mbajtja dhe forcimi i pozitave në tregun bankar, nëpërmjet ruajtjes së stabilitetit të klientelës bazë, duke qenë njëkohësisht aktiv në krijimin e marrëdhënieve me klientë të rinj, individë e biznese, mbajtja e një pozicioni të fortë të likuiditetit dhe të kapitalit, si edhe përmirësimi i vazhdueshëm i cilësisë së shërbimit.”

Rreth Tirana Bank

Tirana Bank, anëtare e Grupit Bankar të Pireut, nisi të operojë në Shqipëri në shtator të vitit 1996, si institucioni i parë bankar me kapital privat me liçensën e një banke universale. Tirana Bank e ka ndërtuar suksesin e saj përgjatë dy dekadave, duke patur në fokus të vazhdueshëm shërbimin ndaj klientit, individëve dhe biznesit vendas. Duke qenë në të njëjtën kohë një pjesëmarrëse aktive në mbështje të përgjegjësisë sociale për rritjen e mirëqënies, cilësisë së jetesës dhe përmirësimin e mjedisit ku ne punojmë dhe jetojmë.

Tirana Bank ofron një gamë te gjerë e gjithnjë në rritje produktesh, të cilat janë përshtatur për tregun lokal si: depozita, kredi individuale dhe biznesi, shkëmbim valutor, karta debiti VISA Electron, karta krediti VISA Classic e Gold, pagesa ndërkombëtare, banking online, rrjet prej 71 ATM, pagesa në mbi 200 POS, kujdes ndaj klientit 24 orë nëpërmjet Infobank (call-center) e mjaft të tjera. Sot, Banka vazhdon të mbajë një pozicion të fortë në tregun vendas, nëpërmjet rrjetit të 39 degëve dhe agjensive të shtrira në kryeqytet dhe në 16 qytetet kryesore të Shqipërisë.

Burimi: mapo.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0