Steve Wozniak jep 4 këshilla për sipërmarrësit e rinj - Business Magazine Albania

Steve Wozniak jep 4 këshilla për sipërmarrësit e rinj


Në nëntor, Steve Wozniak, bashkë-themeluesi i famshëm i Apple dhe ndihmësi i Steve Jobs, ka pasur një bisedën të nxehtë me bashkë-themeluesin dhe CEOn e Nextiva Górny në seancën e fundit të NextCon në Scottsdale, Arizona.

Gjatë kësaj bisede, Wozniak ka ndarë disa këshilla me ndikim për pronarët e bizneseve nga të gjitha industritë dhe teknologjitë. Këtu janë katër mësime të rëndësishme që çdo sipërmarrës mund të mësojë nga fjalimi e tij.

  1. Ju mund të bëni një ndryshim, pa qenë në qendër të vëmendjes.

Jobs është portretizuar shpesh nga mediat si një vizionar i madh. Megjithatë, ndërsa Jobs ishte zakonisht në qendër të vëmendjes, Wozniak ka qenë i zënë duke punuar prapa skenave. Ai ndërtoi themelet në background, ndërsa Jobs shiti vizionin për publikun.

Wozniak ishte shumë në rregull me këtë, me një pozicion që nxjerr më parë në pah mësimin e tij: Suksesi nuk ndodh gjithmonë kur je në qendër të vëmendjes. Nëse të dy bashkë-themeluesit e Apple do të kishin luftuar për famën që arriti Jobs, asnjëri prej tyre nuk do e kishte marrë atë. Në fakt, ishin aftësitë e ndryshme që lejuan plotësimin e vizionit të tyre.

Ky nuk është një mësim i lehtë për t’u mësuar. Kur mendoni me të vërtetë se pse po e ndërtoni biznesit tuaj, fama nuk duhet të jetë faktori kryesor i saj. Në vend të kësaj, shmangni egon tuaj që të mos rrezikoni të merrni vendime të gabuara për biznesin.

Wozniak gjithmonë vendos Apple-in para egos së tij. Si rezultat, ai ndihmoi në krijimin e disa nga produkteve më të mira në botë.

  1. Duhet ta bëni me pasion punën tuaj.

Wozniak përcolli pasion dhe lumturi gjatë gjithë prezantimit të tij në NextCon. Buzëqeshja e tij ishte gjithnjë e pranishme kur fliste në lidhje me teknologjinë. Nuk kishte asnjë dyshim që ishte pasioni i tij ai që e ndihmoi në ndërtimin e produkteve kaq mbreslënëse.

Wozniak nuk e bashkë-themeloi Apple për para dhe nuk kishte një vizion të madh për Apple në fillim. Ai u përfshi vetëm për faktin se e dashuronte këtë gjë. Ai donte të ndërtonte produkte që dashuronte.

Kur je duke filluar një biznes të ri, është e rëndësishme që të përqëndroheni në atë që ju pëlqeni. Pastaj gjeni një klient që të blejë produktin tuaj. Mos u shqetësoni në lidhje me madhësinë e tregut. Pasi të testoni biznesin tuaj dhe të përsosni strategjinë tuaj, do të gjeni një mënyrë për t’u zgjeruar.

“Qëllimi im nuk ishte për të bërë një mal me para. Ishte për të ndërtuar kompjutera të mirë,” tha Wozniak. Kompanitë më të mëdha në botë fillojnë pikërisht me një vizion të thjeshtë.

  1. Gjeni dikë të gatshëm për të ndërtuar në garazhin e tij.

Kur dëgjon Wozniak duke folur në NexCon për publikun me ndjenjë kuptojmë që ai është mishërimi i dikujt që bën atë që dashuron, pavarësisht nga kufizimet e përfshira.

Shumë sipërmarrës aspirojnë t’i futen një biznes për arsye të gabuara.

Si ka thënë Wozniak: “Gjeni dikë, i cili ka qenë duke ndërtuar gjëra në garazhin e tij. Ky është personi që me të cilin do të dëshironit të punonit.” Arsyeja: Njerëz të tillë zgjidhin probleme, tha Wozniak. Ata bëjnë atë që bëjnë pavarësisht nga nxitja, pavarësisht nga titulli, pavarësisht nga brohoritjet apo vëmendja. Këta persona bëjnë atë që bëjnë edhe kur askush nuk është duke i parë.

  1. Ndërtoni një ekip që dëshironi ta përdorin produktin tuaj.

“Krijo zgjidhje për problemet tuaja”, Wozniak ka thënë në mënyrë të qartë dhe të thjeshtë. Ka një dallim të qartë mes njerëzve, të cilët duan të bëhen nismëtarë për zgjidhjen e një problemi shumë të qartë dhe atyre, të cilët janë të vetëdijshëm për një çështjë të veçantë dhe bëjnë gjithçka kanë në dorë për t’a rregulluar atë.

Ju dëshironi që të ndërtoni diçka që ju dhe ekipi juaj do ta përdorë. Diçka që ju të gjithë besoni dhe do të jeni të lumtur ta keni në këtë botë.

Kjo diçka që po krijoni si një sipërmarrës duhet të zgjidhë një çështje personale dhe t’i japë më parë vlera jetës tuaj. Sepse, në qoftë se ju dhe ekipi juaj doni ta përdorni atë, atëherë shanset janë që edhe të tjerët të duan ta përdorin.

Të gjithë sipërmarrësit e rinj duhet të përfitojnë nga mësimet e Wozniak. Në fund të fundit, ai ishte një lojtar kyç në krijimin e një prej kompanive më të mëdha në botë dhe disa nga produktet më të reja të gjeneratës së tij.

 

Burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0