Startup-i kosovar Hello arrin 1 milionë shkarkime

Startup-i kosovar Hello arrin 1 milionë shkarkime

~3 minuta lexim


Startup-i kosovar Hello ka kaluar një milionë shkarkime në pajisjet iOS dhe Android, duke lidhur përdoruesit anembanë botës përmes thirrjeve me zë, bisedave në grup dhe më shumë.

Diçka që filloi si një projekt argëtues në zyrën e Trigonom nga Anton Paçarada, tani ka arritur të krijojë veten si një rrjet social ku bisedohet me anë të thirrjeve telefonike, ku përtej një milionë shkarkimeve ka zbuluar veçori të tilla si biseda në grup. Trigonom është kompania që ka bërë lançimin e Hello dhe të shumë aplikacioneve të tjera si Albanian Alphabet, Haluci, 4 Ninja.

Hello është krijuar si një aplikacion ku mund të flisni me persona që nuk i njihni përmes thirrjeve telefonike, në një stil të ngjashëm me Chatroulette, por më pas mund të bisedoni dhe me miqtë që njihni përmes rrjetit. Hello është kthyer në një nga startup-et më të nxehta të Kosovës.

Vetëm javën e kaluar ata zbuluan një dizajn të ri për aplikacionin dhe veçori të reja të tilla si chat në grup, biseda të pakufizura me miqtë dhe mundësi monetizimi për përdoruesit energjikë në mbarë botën.

“Deri tani nuk kemi marrë ndonjë investim dhe çdo gjë që kemi investuar ka qenë nga të ardhurat tona për produktin, në të cilin besojmë fuqishëm dhe përdoruesit janë një dëshmi për këtë. Besoj se tani po i afrohemi një stadi ku ne planifikojmë rritje dhe një investim i jashtëm do të ishte mjaft emocionues,” tha Partneri Menaxhues i Hello, Arian Kastrati.

burimi: DigitalSpoiler

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Çelësi i suksesit është të fillosh përpara se të jesh gati.”
— Marie Forleo
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0