Spartak Iljas dhe arti i tij unik në ndërtimin e kitareve - Business Magazine Albania

Spartak Iljas dhe arti i tij unik në ndërtimin e kitareve

Spartak Iljaz

Spartak Iljas, një mobilier, i cili së fundmi ka zbuluar një tjetër pasion të tij, atë të ndërtimit të kitareve. Në studion e punës, krahas materialeve që përdor për ndërtimin e mobilerive, ndodhen edhe punimet e kitareve të punuara me shumë mjeshtëri nga ai.

I pyetur se sa e vështirë ka qenë për të ndërtimi i tyre, ai ka pohuar se ka hasur vështirësi, pasi çdo gjë e ka mësuar vet duke parë dhe lexuar informacione që i shërbenin për ta udhëzuar. Për prodhimin e kitareve Spartaku kujdeset që ndërtimi i tyre të jetë totalisht me dru shqiptar, më i përdoruri prej tij është druri i Panjës. Nxjerrja e një produkti të mirëfilltë gati për përdorim, nuk ka qenë dhe aq e lehtë për të. I është dashur një periudhë prej 4-5 muaj derisa ka nxjerrë kitaren e parë për ekspozim, e cila ka qenë kitarja klasike.

 

Spartak Iljaz

 

Që nga zgjedhja e drurit, te përpunimi, gdhendja dhe me rradhë, janë faza nëpër të cilat Spartaku kalon derisa arrin në produktin përfundimitar. I gjithë procesi i ndërtimit konsiston në disa procedura komplekse teknike. Fillimisht ai krijon bazën e kitares, ose trupin, si e quan vetë Spartaku, për të vijuar me bishtin dhe aksesorët e tjerë përkatës, pjesë këto të ndërtuara me dru të ndryshëm.

Padyshim që kitaret e tij janë të vlerësuara nga të gjithë artistët, që kanë qenë dhe vazhdojnë të jenë klient të tij. Emra të shquar të artistëve shqiptarë vijnë dhe porosisin kitare duke i besuar mjeshtërisë dhe profesionalizmit të Spartakut.

I pyetur për vizionin e tij, Spartaku është shprehur se dëshiron që çdo kitare e dalë prej tij, të jetë e njohur si prodhim totalisht me dru shqiptar. Ai gjithashtu po punon për hapjen e dyqanit, në mënyrë që t’i mirëpresë atje të gjithë klientët që i kanë besuar dhe vlerësuar punën e bërë prej tij. Spartaku ka pohuar se kitaret mund të blihen edhe online, jo vetëm fizikisht, në mënyrë që të kenë mundësinë e blerjes jo vetëm shqiptarët brenda Shqipërisë, por dhe jashtë saj, pse jo të përfshihet dhe në tregun e huaj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0