Skandali / 45 GB video e foto pornografike në një domain “.al” të Shqipërisë - Business Magazine Albania

Skandali / 45 GB video e foto pornografike në një domain “.al” të Shqipërisë

Një arkivë “cloud” me domain “.al” të Shqipërisë dhe logo foton e Al Capones ofron afro 45 GB materiale pedo-pornografike me të mitur, adoleshentë e të rritur kundrejt pagesave në internet, ndërsa operon e pashqetësuar nga Autoriteti i Komunikimeve Elektronike dhe Postare apo Sektori i Hetimit të Krimit Kompjuterik në Policinë e Shtetit.

Pas investigimit të MediaLook mbi krimet seksuale me të mitur në Shqipëri, për një periudhë dhjetë vjeçare, nga viti 2010-2019, shoqata “Meter”, e cila prej vitesh publikon raporte vjetore në kuadër të Observatorit Botëror Kundër Pedofilisë, ka sinjalizuar përmes email edhe Qendrën Shqiptare MediaLook në lidhje me faqen “file.al” që përmban mbi 700 materiale pornografike me minoren.

I njëjti email, të cilin agjencia italiane e ka referuar në autoritetet policore të Katanias, i është dërguar dhe Autoritetit të Komunikimeve Elektronike dhe Postare, por pavarësisht se kanë kaluar gjashtë ditë nga sinjalizimi, agjencia shqiptare nuk ka ndërhyre ende për të fshirë materialet, të cilët janë lehtësisht të aksesueshme kundrejt pagesave që fillojnë nga 15 $.

Nga vëzhgimi i MediaLook vërehet se në këtë arkivë “cloud” ofrohen video me përmbajte të rëndë pornografie të abuzimeve me fëmijë, meshkuj e femra, të moshave nga 5-6 vjeçare e deri te 12, 13 e 14-vjeçare. Përmbajtjet multimediale janë të formateve video, foto, GIF, linqe por dhe regjistrime nga komunikimet online me të mitur. Volumi i gjithë kësaj databazë me materiale pornografike online shkon në më shumë se 45 GB.

Ky kontent është lejuar të qarkullojë lirshëm nga AKEP në zonën “.al” të administruar prej tij dhe nuk është zbuluar as nga sistemet e Policisë së Shtetit për krime të tilla seksuale online.

Materialet pedo-pornografike në adresën me domain “.al” të Shqipërisë u gjurmuan nga sistemi kompjuterik i Shoqatës Meter Online e cila ka si qëllim parësor denoncimin e adresave dhe site-ve me përmbajtje të dyshimtë te autoritetet lokale, ndër të cilat dhe AKEP për rastin Shqiptar. Kjo Shoqatë që operon prej vitit 1989 në Itali. Ajo ka një bashkëpunim shumë të ngushte me agjencitë dhe strukturat policore të Polonisë, Gjermanisë, Francës, etj.

Çfarë është File.al?

File.al është një arkivë online ku ngarkohen materiale multimediale të formateve të ndryshme në “cloud” me qëllim transferimin, shpërndarjen dhe e tyre nga kompjuteri, tablete e smartphone. Ajo është e ngjashme me arkiva si WeTransfer, Dropbox, Google Cloud, etj, por mesa kuptohet nga përmbajtja e materialeve të ngarkuara, filtrat në serverët e këtij shërbimi janë thuajse inekzistent.

MediaLook tentoi të gjurmonte IP-të që gjenerohen nga adresa www.file.al dhe nga një kërkim i thjeshtë në internet rezulton se serverët e saj rezultojnë të jenë në Moldavi, por ky informacion duhet marrë me rezervë për shkak të mundësive teknike për të devijuar IP-të.

Shqipëria e gjashta në Europë për domaine “.al” me përmbajtje pedofilie

Në raportin e fundit të Observatorit Botëror Kundër Pedofilisë, publikuar më 3 qershor 2020, Shqipëria renditet në vendin e gjashtë, tre shkallë më poshtë se viti i kaluar, për videot, fotot apo linqet me përmbajtje të abuzimit seksual me të mitur që vinin nga adresat me prapashtesën “.al” të Shqipërisë.

Gjithsej, sistemi kompjuterik i gjurmimit të materialeve problematike online të shoqatës “Meter”, ka pikasur 21 raste, shumë më pak se 302 formate të gjurmuara në vitin 2018. Kjo sipas inxhiniereve të kësaj agjencie lidhet dhe me faktin se “tregtarët e seksit” me të mitur por dhe vetë predatorët online kanë sofistikuar mënyrat e tyre për të konsumuar pedofilinë online dhe kjo s’do të thotë aspak se ka një rënie të këtyre rasteve. Por pavarësisht këtyre statistikave të Observatorit Botëror Kundër Pedofilisë, në investigimin e publikuar nga MediaLook më 13 Prill 2020, AKEP deklaronte se “përgjatë periudhës 2010-2019 nuk është konstatuar faqe me domain në zonën .al me përmbajtje pornografie ose materiale të dëmshme me të mitur.

Ndërkaq, në përgjigje të një kërkese nga MediaLook, Prokuroria e Përgjithshme  bënte me dije se gjatë pesë vjetëve të fundit, Janar 2014- Qershor 2019, nga një numër i konsiderueshëm referimesh për nenin 117 të Pornografisë ku klasifikohen edhe çështjet e krimeve seksuale me të mitur, kanë nisur hetimet për 128 raste, nga të cilat 12 janë pushuar dhe vetëm dy janë dërguar në gjyq. Këto të fundit, pra vetem 1.56% e rasteve, kanë përfunduar me një vendim dënimi.

MEDIALOOK

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0