Si të motivoni ekipin tuaj kur janë në stres

Si të motivoni ekipin tuaj kur është në stres


Është e pamundur të eleminosh plotësisht stresin, ndonjëherë edhe stresi në të vërtetë mund të jetë pozitiv. Çështja kryesore është të krijoni një mjedis që i ndihmon punonjësit tuaj të performojnë dhe të mbeten produktivë. Është një nga gjërat më të rëndësishme që mund të bësh si udhëheqës. Më poshtë do të njiheni me 4 këshilla që ju ndihmojnë të motivoni ekipin tuaj kur është i stresuar:

 

  1. Trajnim për menaxhimin e kohës:

Sa të forta janë aftësitë tuaja për menaxhimin e kohës? Ju ndoshta dëshironi të keni pasur më shumë orë në ditët tuaja. Lajmi i mirë është që keni shumë mjete në dispozicionin tuaj. Ju mund të organizoni ose drejtoni trajnime për menaxhimin e kohës për ekipin tuaj. Ju ka ndodhur të kërkoni ndihmën e një eksperti, përveçse rasteve kur e konsideroni veten të kualifikuar sa duhet? Është e rëndësishme të ndihmoni ekipin tuaj, të vlerësojë aftësitë në menaxhimin e kohës. Investoni në një program për menaxhimin e kohës së ekipit, që edhe punonjësit të kuptojnë sesi t’i ndajnë detyrat e tyre. Kur u mësoni anëtarëve të ekipit aftësi të rëndësishme për menaxhimin e kohës, ju i fuqizoniata të marrin kontrollin e kohës së tyre. Ata janë më të motivuar për t’iu qasur punës me më pak stres dhe një ndjenjë më të fortë bindjeje. Kjo është kur udhëheqja juaj vërtetë shkëlqen.

Lexo: 9 shprehje për të përballuar stresin më mirë

  1. Rriteni profesionalisht ekipin tuaj:

Albert Einstein ka thënë: “Jeta është si të ngasësh biçikletën. Për të mbajtur ekuilibrin tuaj, duhet të vazhdoni të lëvizni”. Anëtarët e ekipit tuaj lulëzojnë kur mësojnë vazhdimisht. Kur ata mësojnë, qëndrojnë të motivuar. Si udhëheqës, përpiquni të kaloni sa më shumë kohë të jetë e mundur, duke ndihmuar ekipin tuaj të rritet dhe të mësojë. Një mënyrë e shkëlqyeshme për ta bërë këtë është të ndani detyrat tuaja. Vetëm sigurohuni që të keni kohën për të trajnuar anëtarët e ekipit dhe të kontrolloni ecurinë e tyre. Ju gjithashtu duhet të përcaktoni saktësisht ato që priten dhe kërkohen, përfshirë informacionin për kohën, burimet, piketa dhe dorëzimet. Kjo ka dy anë të mira: nga njëra anë, ju jeni në gjendje të përqendroheni më shumë duke menduar se si t’i drejtoni anëtarët e ekipit tuaj drejt suksesit. Nga ana tjetër, jeni në gjendje t’u jepni atyre një shans të marrin përgjegjësi të reja dhe të mësojnë aftësi të reja, në mënyrë që të përparojnë në karrierën e tyre.

  1. Nxitini pë pushime efektive

Dështimet në punë ndonjëherë shkaktojnë dëme të pariparueshme në mirëqenien e punonjësve. Të gjithëve u duhet kohë larg punës. Është e rëndësishme të inkurajoni punonjësit tuaj të marrin e nevojshme për pushime. Kjo duhet të nisë nga ju. Ju duhet të pasqyroni sjellje të shëndetshme. Gjithashtu, duhet të menaxhoni pritjet dhe të zvogëloni ngarkesat e punës në mënyrë që punonjësit të ndihen të qetë duke marrë kohë të lirë. Është e rëndësishme të shpjegoni se koha larg punës, mund t’i ndihmojë ata të kenë ide të reja dhe të kthehen në zyrë me energji, më pak të stresuar dhe më produktiv. Falë cilësive të neuroplasticitetit të trurit, lidhjet nervore duan kohë për të reflektuar, që mirëqenia e përgjithshme të rritet.

  1. Jepini prioritet komunikimit të qartë dhe të qëndrueshëm:

Punonjësit tuaj shohin tek ju shembullin e një udhëheqësi. Është e rëndësishme të jesh atje për ata dhe të kesh kontrolle të vazhdueshme. Ju duhet të siguroheni që ata të kuptojnë se çfarë pritet prej tyre dhe si do të vlerësohen. Anëtarët e ekipit tuaj duhet të dinë se puna dhe aftësitë e tyre janë mes objektivave më të rëndësishme të kompanisë. Kur vendosni një komunikim të fortë dhe të vazhdueshëm, zvogëlohet niveli i stresit. Ekipi ndihet më i sigurt sepse e kupton se çfarë pritet për suksesin e kompanisë. Kanalet e forta të komunikimit gjithashtu ndihmojnë në krijimin e një mjedisi, i cili rrit moralin dhe ul nivelin e stresit.

Lexo: Si të trajtojmë stresin në punë?

Ju keni përgjegjësi të krijoni një mjedis që minimizon stresin dhe i mundëson ekipit të qëndrojë i motivuar dhe të performojë në nivele të larta. Kur motivoni punonjësit, të gjithë ndihen më të përmbushur dhe të përkushtuar për misionin.

Ju jeni të gjithë në të njëjtin ekip, ndaj bëni këto katër hapa për të krijuar një mjedis pune më pak stresues për punonjësit tuaj.

Burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0