Si të gëzosh familje të shëndetshme dhe punë të suksesshme njëkohësisht? - Business Magazine Albania

Si të gëzosh familje të shëndetshme dhe punë të suksesshme njëkohësisht?


Shumë prej kolegëve të mi në punë po bëhen me fëmijë, duke filluar të kenë familjet e tyre dhe të rrisin fëmijë. Më sjell ndër mendje kohën kur fëmijët e mi- tashmë të rritur- ishin në atë moshë. Sa punë e madhe!

Netët pa gjumë, detyrime brenda shtëpisë, ndeshjet e futbollit, drekat në shkollë…ngarkesa nuk mbaron kurrë. Të duket vetja sikur vrapon sa te një gjë në një gjë tjetër, duke u munduar që t’ia dalësh me të gjitha dhe mirë.

E njëjta gjë ndodh edhe me biznesin tënd në fazat e tij të para, ose kur sapo e ke nisur. Ka kaq shumë punë për t’u bërë! Netë pa gjumë, afate në mënyrë të vazhdueshme, burime të pakta…puna është pa mbarim. Duket sikur vrapon nga një gjë te tjetra, duke u përpjekur që të gjitha të bëhen mirë dhe siç duhet.

Ok, unë jam këtu për të të thënë se gjërat arrijnë të bëhen më mirë.

Fëmijët rriten, marrin përsipër përgjegjësitë e tyre, dhe fillon të mendosh për të ardhmen përtej të dërguarit në shkollë të fëmijëve. Biznesi gjithashtu fillon të marrë formë, stafi fillon të ketë më shumë punë, dhe ti më në fund mund të fillosh të palnifikosh përtej operacioneve të përditshme.

Ndërsa jetët tona në shtëpi dhe në punë evolouojnë, ne gjithashtu duhet të evoluojmë. Të kujdesesh për një të sapolindur ose fëmijë të vegjël është ndryshe nga të ndihmosh dhe të trajnosh fëmijët kur i ke në universitet. Menaxhimi i një biznesi për rritje është shumë ndryshe nga përballimi i halleve të një startupi.

Kështu pra, të duhet të ndryshosh së bashku me familjen dhe biznesin. Mënyra se si kontribuon dhe drejton ata që ke përreth vetes duhet të ndryshojë, sepse edhe këta vetë ndryshojnë.

Po reflektoja rreth mënyrës se si ishin rritur fëmijët e mi dhe se si e kisha menaxhuar karrierën time ndër vitet dhe fazat e zhvillimit të saj, dhe kuptova se nuk kisha më përgjegjësi për mirëqënien e tyre fizike. Ata kanë nëj rezidencë banimi dhe një jetë personale të tyren, dhe vërtet që nuk ma kanë nevojën që t’i ndihmoj me ndonjë nga këto gjëra.

Këtu ka përfunduar puna ime.

Por ka diçka vërtet të rëndësishme për të cilën jam ende përgjegjës dhe me të cilën mund të vazhdoj të kontribuoj në jetët e tyre, dhe gjithmonë do ta bëj.

Unë mund t’i ndihmoj me vetëbesimin.

Unë mund të mbështes menyrën e tyre të të menduarit, mund t’u jap këshilla dhe mund t’u jap pikëpamjen time mbi gjërat, diçka që ata mund të mos e kenë. Mund t’u jap mbështetje për vendimet e tyre. Mund t’u kujtoj se kanë gjithçka që nevojitet për të patur sukses, se e dinë se cilët janë si profesionistë dhe se para tyre shtrihet një karrierë e suksesshme.

Mund t’i ndihmoj të kenë besim te vetja. Ashtu si shumë të tjerë bënë me mua kur unë kisha më shumë nevojë për të.

 

/Shkruar nga Jim Joseph, Publikuar nga Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0