Si të filloni nga e para, në qoftë se i humbisni të gjitha? - Business Magazine Albania

Si të filloni nga e para, në qoftë se i humbisni të gjitha?


Çfarë ndodh kur çdo gjë rrënohet dhe ju i humbni të gjitha? Këta sipërmarrës shumë të suksesshëm dhe anëtarët e “The Oracles”, të cilët kanë filluar nga e para më shumë se një herë, shpjegojnë se çfarë do të bënin në qoftë se do humbisnin çdo gjë përsëri.

Nëse frikërat e tua më të këqija bëhen realitet dhe gjithçka shkatërrohet, ndiqni këto këshilla.

1. Mbuloni qeranë, pastaj nisni një biznes tjetër

Unë do të drejtohesha drejt një biznesi premtues dhe do të filloja shitjen, sepse këtë e bëj më mirë. Në momentin që qeraja ime të mbulohej do të nisja një biznes. Nuk do të përbënte ndryshim të madh nëse do të ishte një kioskë për shitjen e hot dog-ëve apo një startup teknologjik, për sa kohë që kam besuar me gjithë zemër në produkt. – Barbara Corcoran, themeluese e “Corcoran Group dhe Shark” në Shark Tank

2. Ndërtimi i një sistemi “blockchain”

Teknologjia “Blockchain” përshpejton transaksionet, redukton kostot dhe ul mundësinë e mashtrimit. Mendoni për të si një librari ose si një bazë të dhënash të përbashkët, të cilën askush nuk mund ta manipulojë. Të gjitha të dhënat janë plotësisht transparente. Po të kisha një mantra pas një fillimi të ri, do të ishte, “Nxitja e lirisë me çdo kusht.” –Tim Draper, partner themelues i DFJ

3. Kaloni tri ditë “vajtimi”, më pas rikthehuni fuqishëm

Kam dështuar shumë herë në biznes saqë fillimi i diçkaje është familjar për mua. I jap vetes 3 ditë vajtimi për humbjen në biznes. Pas kësaj, do të bëja një plan për të krijuar një infrastrukturë dhe kapital për të  ekzekutuar kthimin tim. Vendos prioritete të shumëfishta herë pas here për të zbatuar planin tim të ri. – Com Mirza, CEO i Mirza Holdings dhe “The $500 milion Man”; dështuar në tetë kompani dhe sot drejton një perandori me mbi 600 të punësuar

4. Kthejini fatkeqësitë në mundësi

Kjo më ka ndodhur mua 20 vite më parë, kështu që nuk kam pse ta imagjinoj të ndodhë. E pashë veten jashtë kompanisë që ndihmova të rritet me 300%. Kur kjo humbje e madhe më ndodhi, vendosa se ishte koha që të kisha një biznes timin dhe të isha pardon i fatit tim. Kurrë nuk e humba besimin në aftësitë e mia. U fokusova në aftësitë e mia për t’i bërë gjërat të shkonin si duhen. Qëndrova pozitiv dhe përdora një event që të forcohesha dhe të mendoja më lart se kurrë më parë. – Jim Mathers, CEO i “North American Energy Advisory, Inc”.

5. Vlersoni burimet tuaja të kapitalit

Nëse humbisni gjithçka, keni dy zgjedhje: dorëzohuni ose shikohuni në pasqyrë dhe përgjigjuni disa pyetjeve serioze. Filloni me: “Çfarë kapitali (lidhje intelektuale, fizike, shpirtërore dhe financiare) mund të aksesoj menjëherë për t’ia filluar nga e para?” Kuptoni se jeta parashikon feedback të vazhdueshëm: jeni të detyruar të shqyrtoni rezultatin dhe të modifikoni mendimet, fjalët dhe veprimet tuaja në mënyrë që të keni rezultatin e dëshiruar. – Craig Lack, CEO i Energi dhe krijues i “Performance-Based Health Plans®”.

6. Ndajeni vizionin tuaj menjëherë

Nëse jeni një sipërmarrës, ju duhet t’ia nisni nga e para çdo vit. Duhet të rifreskoni sistemin, njerëzit, proceset dhe financat tuaja. Filloni me atë që iu pëlqen, me atë ku jeni më të mirët dhe aty ku ka treg. Krijoni një video bindëse. Ndani vizionin tuaj. Duhet të testoni tregun para se të investoni më shumë. – Maury Rogow, CEO e “Rip Media Group”.

7. Gjeni pse-në tuaj

Kam humbur gjithçka tre herë. Nga përvoja, mentaliteti juaj është çdo gjë. Merrni kohë për të rivendosur qëndrimin tuaj. Humbja e të gjitha gjërave është shumë e vështirë, madje shkatërruese, por duke u vërdallisur me një qëndrim prej humbësi e bën gjithçka më të vështirë. Nuk ka vend për keqardhje! Identifikoni arsyet pse i kishit ndërtuar gjërat. Cili ishte qëllimi? Përdoreni këtë si motivimin tuaj kryesor për të rindërtuar çdo gjë. Të gjitha ngjarjet dramatike do të kalojnë, por ne duhet të zgjedhin drejtimin tonë pas kësaj: të ngjitemi apo të zbresim – John Hanna, autor i “Way of the Wealthy” dhe CEO i “Grupit Fairchild”.

8. Rrjetëzohuni si “i çmendur”

Mësoni kush është pjesë e grupit tuaj. Identifikoni vlerat tuaja dhe bëni një listë të pyetjeve për të përcaktuar nëse dikush ndan vizionin tuaj. Pastaj, shpenzoni sa më pak të jetë e mundur për të marrë pjesë në sa më shumë ngjarje për të takuar grupe të ndryshme njerëzish, të cilët mund t’iu ndihmojnë. Mos u frikësoni dhe bisedoni me të gjithë. Mësoni sesi të krijoni prezencë dhe mos kini frikë të kërkoni ndihmë. – Craig Handley, bashkë-themelues dhe CEO i ListenTrust.

burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0