Çfarë është network marketing?
Network marketing është një metodë popullore e biznesit dhe një formë alternative e shpërndarjes së produktit. Metoda tradicionale e shpërndarjes së produkteve tek konsumatorët është njëra prej të cilëve ne jemi të njohur. Produktet prodhohen diku, pastaj i dërgohen një distributori që e dërgon në dyqane në mënyrë që të blihen më pas nga konsumatorët. Kjo është relativisht një mënyrë e drejtpërdrejtë dhe shumë njerëz fitojnë gjatë rrugës. Megjithatë, network marketing siguron një sistem tjetër.
Me network marketing shpërndarja bëhet përmes një rrjeti agjentësh që tregojnë produktet tek individët e tjerë. Këta agjentë mund të kenë njerëz të tjerë nën udhëheqjen e tyre që tregtojnë mallra tek të tjerët. Fitimi bëhet nëpërmjet shitjeve direkte dhe shpërndarjes së produkteve.
“Prit. A është kjo një …? “E di se çfarë po mendon. “Skemë piramidale”, apo jo? Edhe pse janë pa dyshim sisteme të ngjashme, ka një ndryshim thelbësor.
Skemat piramidale përqëndrohen tek paratë që bëhen përmes rekrutimit të të tjerëve. Këta njerëz mund të mashtrohen duke menduar se përmes skemës piramidale ata do ta gjejnë lehtë fatin e tyre, kur me të vërtetë ato janë vetëm mjete që të tjerët të fitojnë para. Me network marketing, fokusi është në shitjen dhe shpërndarjen produkteve, jo në rekrutimin e të tjerëve.
Është një sistem kaq efektiv saqë disa kompani shumë të njohura operojnë dhe shesin produktet e tyre përmes network marketing. Një nga shembujt më të njohur të kësaj është Tupperware.
Çfarë ka të mirë network marketing:
- Pse duhet ta merrni në konsideratë network marketing? Si fillim, kjo ju jep një shkallë lirie që një punë e zakonshme 9-5 nuk mund ta ofrojë. Në një farë mase, ju do të jeni në gjendje të përshtatni marketingun rreth jetës suaj, duke punuar edhe nga shtëpia. Nuk ka një limitim të ardhurash. Nëse jeni me të vërtetë të mirë në shitje ju do të mund të fitoni më shumë para.
- Ju do të jeni shefi i vetes tuaj pa u shqetësuar për të punësuar apo shkarkuar persona, sepse nuk do të ketë punonjës. Përderisa mund të krijoni marrëdhënie me agjentë dhe tregtarë të tjerë, nuk do të keni nevojë të shqetësoheni për pagimin e pagave dhe të gjithë përgjegjësitë e tjera që një shef biznesi i rregullt duhet t’i trajtojë.
- Edhe kur nuk jeni gjatë gjithë kohës aty, ju do të mund të gjeneroni të ardhura. Network marketing mbështetet në të. Ju do të jeni në gjendje të përfitoni nga të ardhurat e mbetura nëse ndihmoni të tjerët të fillojnë këtë biznes.
- Shumë prej nesh kanë vuajtur dhimbjet e pushimit nga puna. Duke supozuar se jeni i suksesshëm në ngritjen e biznesit të network marketing-ut, do të keni një siguri të pakrahasueshme të punës. Ju jeni shefi juaj pas të gjithave!
Gjërat jo dhe aq të mira të network marketing:
Tani para se të mendoni se kam pirë dhe po filloj një skemë piramidale, ka disa gjëra negative që janë shumë të vlefshme. Më e dukshmja është ngjashmëria e qartë me skemat piramidale. Nëse planifikoni të përfshini veten, duhet të jeni të sigurtë se jeni duke u angazhuar në një sistem të ligjshëm të network marketing – jo një skemë piramidale që është e paligjshme. Kjo do të kërkojë kujdes të madh dhe hulumtim nga ana juaj për të qenë i sigurtë, por një rregull i mirë është të shikoni se si bëhen paratë.
Komisioni Federal i Tregtisë në vijim shpjegon dallimin mes network marketing dhe skemave piramidale:
“Ato kanë një karakteristikë kryesore. U premtojnë konsumatorëve apo investitorëve fitime të mëdha bazuar kryesisht në rekrutimin e të tjerëve për t’u bashkuar me programin e tyre – jo në bazë të fitimeve nga ndonjë investim real apo shitje reale e mallrave për publikun”.
Sidoqoftë, me marketing të drejtpërdrejtë, fokusi është paraja e bërë përmes shitjeve – jo rekrutimit. Kur funksionon, network marketing mund të jetë shumë i dobishëm për të gjitha palët e përfshira.
Duhet të merren në konsideratë gjithashtu:
- Shumica e shitjeve që do të bëni do të jenë ballë për ballë. Vetëm një pjesë e vogël e shitjeve përmes network marketing ndodhin në internet dhe në vend të kësaj do të jeni ballë për ballë ose me telefon. Kjo është diçka me të cilën duhet të jeni komfortë.
- Edhe nëse jeni të kënaqur me shitjen ballë për ballë, ju do të duhet të mësoheni me refuzimin.
- Zakonisht nuk është një skema për t’u bërë i pasur shpejt. Ajo mund të marrë kohë dhe disa investime për t’u ngritur dhe madje edhe atëherë ju do të konkurroni disi me agjentë të tjerë. Megjithëse është e mundur që të bëni shumë para, ndoshta kjo nuk do të ndodhë shumë shpejt.
Si të filloni?
Lajmi i mirë është se për të filluar në network marketing është një proces relativisht i thjeshtë.
Së pari ju duhet të vendosni për një produkt që dëshironi të shisni.
Një zgjedhje popullore janë produktet ushqyese. Fillimisht do të duhet të investoni disa para për t’u regjistruar me kompaninë dhe për të blerë produktin që dëshironi të shisni.
Këto çmime mund të ndryshojnë, por shpesh fillojnë me rreth 100 dollarë. Kompanitë si Tupperware, të cilat janë ndërtuar rreth network marketing, ofrojnë pagesa më të ulta. Duke marrë parasysh sasinë e parave që ata kërkojnë për të filluar është vendimtare, sepse gjithçka që kërkohet do të duhet të rimerret para se të fitohet.
Shumë njerëz kanë përvojë dhe sukses në network marketing dhe mund të shërbejnë si mentorë.
Është e këshillueshme të dëgjoni atë që ata thonë. Kompanitë që kanë përvojë me network marketing ka të ngjarë të kenë sisteme në mënyrë që t’iu ndihmojnë të filloni. Pas të gjithave, ju jeni pjesë e mënyrës se si ata do të bëjnë para.
Përhapni fjalën që ju jeni në biznes.
Ju duhet të konsideroni ndërtimin e një faqe interneti, ose të tregut përmes mediave sociale, reklamave të klasifikuara, madje edhe nëpërmjet miqve dhe familjarëve. (Ne të gjithë kemi dëgjuar për pjesën e Tupperware, qëllimet dhe synimet e të cilës janë tregjet super-rastësore.)
Pas shqyrtimit të këtij informacioni, e gjithë që ju duhet të bëni është të zgjidhni kompaninë tuaj dhe të filloni të shisni!
burimi: LifeHack
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
