Si po e ndryshon Inteligjenca Artificiale botën e biznesit?


Shkruar nga Sokol Vladi, drejtor i përgjithshëm i Microsoft Albania

Inteligjenca Artificiale po sjell ndryshime mjaft të mëdha në të gjitha fushat e botës së biznesit. Kohët e fundit, ajo është kthyer në një inovacion për mënyrën se si operojnë shumë biznese. Për rrjedhojë, kompanitë kanë filluar të ndërtojnë strategjitë e tyre duke u dhënë fokusin më të madh shifrave konkrete, në vend të përndjekjes të performancës së konkurentëve të tyre. Ndërkohë,  platformat janë bërë më të përgjegjshme dhe avantazhet konkuruese kanë filluar të adresojnë nevojat specifike të konsumatorëve. Inteligjenca Artificiale ka bërë të mundur që bizneset të zhvillohen në mënyrë eksponenciale dhe të ndryshojnë rrënjësisht çdo nivel të tyren, nga mjetet e prodhimit në angazhimin ndaj konsumatorëve.

Interneti i gjërave (Iot) dhe Interneti i njerëzve

Le t’u themi lamtumirë kohërave kur industritë ecnin në të njëjtën linjë veprimesh për vite me radhë. Tashmë, paradigma po zhvendoset drejt një modeli më dinamik, ku beteja për performancën e një biznesi nuk bazohet më midis produkteve, por përparësive konkuruese dhe përvojave të konsumatorëve.

Sipas një studimi të Gartner, 87% e liderëve të biznesit tregojnë se “dixhitalizimi” është kthyer në një prioritet të kompanisë dhe 90% e liderëve të korporatave pohojnë se prioritetet kryesore të tyre mund të arrihen vetëm në sajë të ndihmës së teknologjisë. Transformimi dixhital, tashmë nuk mbetet më një zgjedhje e negociueshme për bizneset që dëshirojnë të sigurojnë pozicionin e tyre në industri.

Me anë të Internetit të gjërave, bizneset mund të kryejnë një gamë të gjerë veprimesh falë 8 miliardë pajisjeve të ndërlidhura, duke filluar që nga pajisjet monitoruese dhe ato të mirëmbajtjes deri në ato që arrijnë të ndjekin prodhimin rregullisht dhe zgjidhin çdo lloj problemi teknik të kryer në distancë. Sigurisht, të gjitha këto gjenerojnë fitime!

Në kohët e sotme, më shumë se gjysma e aktivitetit të IoT përqëndrohet në prodhim, transportim, qytetet inteligjente dhe aplikacionet e konsumatorëve. Parashikohet, që brenda 5 viteve të gjitha industritë do të iniciojnë “Internetin e gjërave” në funksion të veprimtarisë së tyre. Numri i pajisjeve të ndërlidhura parashikohet të rritet në 50 miliardë nga viti 2020.

Le të themi që fokusi kryesor nuk mund të konsiderohen vetëm pajisjet e lartpërmendura.

Karakteristikat e “Internetit të gjërave” u japin mundësi kompanive të kenë avantazhin e kuptimit të sjelljes së klientit në mënyrë graduale. Ato sigurojnë një informacion të vlefshëm për vendimarrësit e bizneseve, në mënyrë që të krijojnë strategji të ndryshme, të zbulojnë mundësi të reja biznesi dhe të nxisin rrjedhën e të ardhurave. Fuqia e kombinuar e ndarjes së të dhënave me informacionin e marrë nga klienti bën që çdo industri të jetë sa më konkuruese.

Angazhoni audiencën tuaj, kudo që ajo ndodhet

Teknologjia ka transformuar mënyrën se si bizneset adresojnë klientët e tyre. Kufijtë e komunikimit tradicional janë fshirë për të mos bërë dallime midis gjuhëve, vendeve apo zonave kohore. Për shkak të spektrit të gjerë të aplikacioneve dhe platformave, ndërveprimet në internet janë gjithnjë e më komplekse. Dhe përderisa kjo është kthyer në një sfidë të vërtetë për shumicën e kompanive, është gjithashtu një mundësi për të rinovuar aplikacionet dhe faqet e tyre me mjetet e Inteligjencës Artificiale. Kjo u mundëson atyre të shohin, dëgjojnë dhe flasin gjuhën natyrore të përdoruesve të tyre, në mënyrë që të vlerësojnë dhe interpretojnë nevojat e tyre në kohë reale. Ndërtuar me shërbime njohëse të aplikuara për algoritme komplekse, chatbot-et përbëjnë ideale mjaft inovative, duke u lejuar bizneseve t’u ofrojnë klientëve të tyre më shumë ndërveprime personale sesa kurrë më parë.

Duke përpunuar gjuhën natyrore, chatbot-et mund t’u përgjigjen pyetjeve, të bëjnë rekomandime të zgjuara dhe të ofrojnë zgjidhje sipas kërkesës. Në vend të shërbimit tradicional të klientëve, bizneset tani mund të sigurojnë përvojat më të mira me ndihmën e këtyre chatbot-eve. Për shkak se njerëzit përdorin shumë platforma, përfaqësuesit e shërbimit përdorin mesatarisht 8.2 sisteme dhe mjete në ndërveprimet e konsumatorëve në një hark kohor prej vetëm një dite, sipas një studimi të Gartner. Për të dhënë rezultate më efikase, chatbot-et mund të integrohen në një numër të madh platformash, për t’i angazhuar konsumatorët në mjediset që ata i konsiderojnë deri diku të njohura dhe të pëlqyeshme.

E ardhmja është tani

Ndërsa përvoja e konsumatorit bëhet qendra e përpjekjeve të marketingut, kompanitë duhet të përqafojnë transformimin dixhital dhe t’i kthejnë produktet dhe shërbimet e tyre në zgjidhje që u përgjigjen nevojave të konsumatorëve. Aftësitë e reja teknologjike u ofrojnë mundësi bizneseve që të arrijnë në drejtimet e tyre dhe tek klientët ekzistues me plane të përshtatura komunikimi, bazuar në njohuritë që marrin nga mbledhja e të dhënave.

Gjatë disa viteve të fundit, revolucioni teknologjik ka ndikuar masivisht në shumë industri, duke e bërë të qartë se ky ritëm i evolucionit së shpejti do ta kthejë çdo kompani në një kompani softuerike.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale