Si bëhet deklarimi elektronik i tatimeve? - Business Magazine Albania

Si bëhet deklarimi elektronik i tatimeve?


Të gjithë personat juridikë, fizikë dhe individë që janë të regjistruar për një përgjegjësi të caktuar tatimore, kanë detyrimin ligjor të deklarojnë elektronikisht detyrimet e tyre.

Çfarë i duhet tatimpaguesit për të kryer deklarimin elektronik të tatimeve?

Tatimpaguesit i duhet një kompjuter, laptop apo smartphone, të lidhur me internetin, numri unik i identifikimit i subjektit dhe fjalëkalimi për të hyrë në sistem.

Lexoni: Biznesi i madh, ja cilat janë përgjegjësitë dhe detyrat pas regjistrimit

Si bëhet deklarimi elektronik i tatimeve?

• Tatimpaguesi hyn në faqen zyrtare të internetit të DPT-së në adresën: www.tatime.gov.al
• Klikon menunë e-Shërbime,
• Në ekran shfaqet dritarja që shërben për të hyrë në sistemin e deklarimit elektronik të tatimeve e-filing,
• Plotëson NIPT-in ose Numrin personal të individit, fjalëkalimin dhe klikon mbi butonin “Log-In” (Hyr).
• Në listën e deklaratave tatimore në të majtë të ekranit, klikohet mbi deklaratën që dëshiron të plotësojë.
• Nga lista e deklaratave të padorëzuara sipas periudhave zgjidhet deklarata që do të plotësohet.

Hyrja në sistem për tatimpaguesit e rinj:

• Çdo tatimpagues i ri, pasi është regjistruar dhe pajisur me NIPT, hyn në sistem nëpërmjet fjalëkalimit “Tatimetemia12”.
• Në vijim, bëhet menjëherë ndryshimi i fjalëkalimit në menunë, “Ndrysho Fjalëkalimin”. Duke klikuar mbi të, tatimpaguesi duhet të ndryshojë fjalëkalimin. Ky ndryshim është i detyrueshëm. Në rast të kundërt tatimpaguesi nuk mund të vijojë me deklarimin. Nëse tatimpaguesi ka harruar fjalëkalimin dhe i duhet një fjalëkalim i ri, ai duhet të paraqitet në zyrat e Shërbimit të Tatimpaguesve në Drejtoritë Rajonale ku është regjistruar.

Lexoni: Ja cilat janë procedurat për të regjistruar një biznes

Hyrja në sistem dhe regjistrimi për individët

Çdo individ që i lind një detyrim për të deklaruar një tatim, por që nuk është i regjistruar në e-Filing, duhet të regjistrohet duke ndjekur hapat si vijon:

• Hyn në faqen zyrtare të internetit të DPT-së në adresën: www.tatime.gov.al
• Klikon në menunë e-Shërbime, zgjedh në të djathtë nënmenunë “Për Individët”
• Klikon në linkun “kliko këtu”, në paragrafin e dytë
• Në ekran do të shfaqet tabela e të dhënave për t’u plotësuar për individin.

Nënshtetasit e huaj, duhet të drejtohen në zyrën më të afërt tatimore për t’u regjistruar.

Si dhe ku kërkohet ndihmë në lidhje me deklarimin elektronik të tatimeve?

Tatimpaguesi mund të kërkojë ndihmë pranë zyrave të Shërbimit të Tatimpaguesve në Drejtorinë Rajonale ku është regjistruar.

Tatimpaguesi mund të kontaktojë edhe Qëndrën e Thirrjeve, shërbimi i të cilës, ofrohet pa pagesë:
• duke telefonuar në numrin e gjelbër 0800 00 02; nëpërmjet Live Chat në faqen e tatimeve;
• nëpërmjet e-mail në drejtorinë përkatëse;

Lexoni: Si të regjistroni një biznes të vogël? Publikohen procedurat

Gjithashtu nëpërmjet informacionit të publikuar në faqen e Internetit www.tatime.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0