Edhe pse mund të tingëllojë revolucionare, shërimi me tinguj nuk është asgjë e re. Shërimi tingullor është një metodë e lashtë trajtimi që është përdorur me shekuj për të promovuar shërimin dhe mirëqenien. Teknika përfshin përdorimin e dridhjeve të tingujve për të stimuluar proceset natyrale të shërimit të trupit, duke ndihmuar në zbutjen e dhimbjes fizike dhe emocionale dhe promovimin e relaksimit dhe paqes së brendshme.
Studimet kanë treguar se terapia tingullore mund të jetë efektive në reduktimin e stresit dhe ankthit, uljen e presionit të gjakut dhe përmirësimin e cilësisë së gjumit.
Shërimi tingullor bazohet në parimin se gjithçka në univers, duke përfshirë edhe trupat tanë, përbëhet nga energji dhe dridhje. Shërimi tingullor përdor frekuenca dhe dridhje specifike për të rivendosur ekuilibrin dhe harmoninë në trup dhe mendje.
Disa forma të njohura të shërimit të tingullit janë nëpërmjet përdorimit të tasave të këndimit kristal, përdorimit të gongëve, përdorimit të pirunëve akordues. Tingulli dhe muzika e këtyre instrumenteve që krijojnë rezonancë përdoren për të nxitur një ndjenjë qetësie dhe relaksi.
Terapia muzikore është forma më e zakonshme e shërimit tingullor që përdor muzikën për të adresuar nevojat fizike, emocionale, njohëse dhe sociale të individëve.
Vitet e fundit, ka pasur një rritje të popullaritetit të shërimit tingullor si një terapi plotësuese për kushte të ndryshme të shëndetit fizik dhe mendor. Kjo është pjesërisht për shkak të një interesi në rritje për terapitë alternative dhe plotësuese, si dhe përparimet në teknologji që e kanë bërë shërimin e tingullit më të qasshëm.
Kompleksi Sulltan Bajazid II është epiqendra e terapisë tingullore
Është interesante se shërimi tingullor praktikohej në Perandorinë Osmane dhe ishte një komponent i rëndësishëm i praktikave mjekësore në “Kompleksin Sulltan Bajaziti II”, i cili u ndërtua në shekullin e 15-të nga Sulltan Bajazidi II dhe përbëhet nga një xhami, tabhane (bujtinë), një medrese, (shkollë mjekësore), darüşşifa (spital), imaret (kuzhinë supe), farmaci dhe zona për ruajtjen e ushqimeve. Është një vend historik i vendosur në qytetin Edirne, Türkiye.
Kompleksi Sulltan Bajazid II, i cili është një vepër themelore, u ndërtua në mënyrë që të përmbushë kërkesat e trajtimeve fizike dhe mendore të pacientëve si dhe nevojat e mundshme socio-kulturore të pacientëve dhe të afërmve të tyre në përputhje me kuptimin e një qasjeje “Mjekësie Holistike”.
Lexo: Komisioni Hetimor: Instagram, mund të shkaktojë efekte të rënda varësie
Kompleksi ishte i njohur për objektet dhe praktikat e tij të avancuara mjekësore, e shërimi tingullor ishte vetëm një nga trajtimet e shumta që përdoreshin për të ndihmuar pacientët të shëroheshin. Ishte shumë i famshëm për metodat alternative të trajtimit nga shekujt XV-XIX.
Në Kompleksin Sulltan Bajazid II, shërimi tingullor u përdor në mënyra të ndryshme për të promovuar shërimin dhe mirëqenien.
Një teknikë e zakonshme ishte përdorimi i terapisë muzikore, e cila përfshinte luajtjen e muzikës qetësuese për pacientët për t’i ndihmuar ata të relaksoheshin dhe të reduktonin nivelet e tyre të stresit. Terapia muzikore shpesh përdorej së bashku me trajtime të tjera, të tilla si ilaçe bimore dhe terapi masazhi, për të ofruar një qasje holistike ndaj shërimit.
Për më tepër, ndërtesa ka gjithashtu akustikë të shkëlqyer, karakteristika të cilat lejojnë që muzika të dëgjohet nëpër dhomat e pacientëve.
Në atë kohë, disa këngëtarë, një fyell me kallama, një violinist, një lojtar miskal, një santurist, një kërcimtar, një lojtar çeng (harpë osmane) dhe një lahutë jepnin koncerte për pacientët dhe të sëmurët mendorë për t’i shëruar.
Në aplikimin e muzikoterapisë osmane, besohej se disa mekame turke, të cilat janë një sistem i llojeve të melodisë, ishin të mira veçanërisht për pacientët me sëmundje mendore, disa mekame të tjera u ndihmonin të gjithë pacientëve.
Për shembull; mekami Zirefkend përdorej për ata që vuanin nga dhimbjet e shpinës. Sëmundjet e zemrës trajtoheshin duke luajtur Zengüle, dhimbjet e kokës nëpërmjet Rehavit etj.
Sot, shërimi tingullor vazhdon të përdoret si terapi plotësuese në mjekësinë moderne dhe shumë njerëz kanë përjetuar përfitimet e kësaj praktike të lashtë. Trashëgimia e shërimit të tingullit në Kompleksin Sulltan Bajazid II shërben si një kujtesë e traditave të pasura mjekësore të Perandorisë Osmane dhe rolit të rëndësishëm që qasjet holistike ndaj kujdesit shëndetësor mund të luajnë në promovimin e shërimit dhe mirëqenies.
Kompleksi Sulltan Bajazid II u shndërrua në një muze shëndetësor në vitin 1993, i cili ofron një vështrim unik në historinë e mjekësisë dhe kujdesit shëndetësor në Perandorinë Osmane. Seksioni i trajtimit muzikor është një nga seksionet më të habitshme të muzeut.
Muzeu është i domosdoshëm për këdo që është i interesuar në historinë e mjekësisë, kulturën islame ose historinë osmane. trtbalkan
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
