Rritja e çmimeve të energjisë për bizneset, kosto të shtuara për konsumatorët. Shembujt po i jep rajoni - Business Magazine Albania

Rritja e çmimeve të energjisë për bizneset, kosto të shtuara për konsumatorët. Shembujt po i jep rajoni

Energjia

Shqipëria ndodhet në një emergjencë energjetike. Qeveria me argumentin e “thatësirës” ka njoftuar opinion publik se sigurimi i pandëprerë i energjisë do të kërkojë kosto të tjera shtesë për OSHEE.

Vendi ynë nuk mund të prodhojë sasinë e nevojshme të energjisë në këtë periudhë, gjë e cila detyron kompaninë e shpërndarjes ta blejë atë në tregjet ndërkombëtare, ku së fundmi çmimi ka arritur deri në 260 euro MW/h.

Enti Rregullator ka marrë kërkesën për rishikim tarifash nga OSHEE dhe OST, ndërsa qeveria në planin e saj me tre pika është shprehur se cmimii nuk do të ndryshojë për bizneset e vogla dhe familjarët. Subvencioni do të bëhet nga fondet e buxhetit të shtetit, për këta konsumatorë që kryesisht janë të lidhur në linjën 0.4 Kv.

Por, ajo që po tërheq vëmendje këto ditë është fakti nëse cmimi do të rritet për bizneset e mesme dhe të mëdha.

Qeveria shqiptare në reformën e saj energjetike të vitit 2015 liberalizoi tregun për kompanitë e mëdha të lidhura në linjën 35 KV, duke i dhënë të drejtën qëë energjinë ta blejnë në treg të lirë dhe jo nga OSHEE.

Lexo edhe: Balluku: Nuk do të ketë ndërprerje dhe rritje të çmimit të energjisë elektrike për familjarët dhe biznesin e vogël

Ndërkohë, situata qëndron ndryshe për kompanitë e lidhura në rrjetin 6/10 Kv dhe 20 Kv, të cilët furnizohen nga OSHEE, për shkak të teknikaliteteve dhe burokracirave të shumta për ta blerë në treg të lirë.

Në javët në vijim, qeveria mund të detyrohet të bëjë një ligj për ti nxjerrë këto kompani të blejnë energji në tregun e lirë ose t’i rrisë atyre cmimin. Ministrja e Financave dhe Ekonomisë, Delina Ibrahimaj në një intervistë në “Euroneës Albania” u shpreh se qeveria nuk mund të subvencionojë të gjithë fashat e konsumatorëve për cmimin e energjisë.

Të dyja këto situata do sillnin kosto të shtuara në një përqindje të madhe për bizneset, të cilet do ta faturonin atë tek konsumatori. Një shembull për këtë është vend i rajonit, Serbia.

Në Serbi disa përfaqësues kompanish në qytetin Kragujevac i dërguan një letër të hapur Kooroporatës Elektroenergjetike, se nëse çmimet do rriten në nivele të frikshme, do detyrohen të shkurtojnë stafin dhe rrezikojnë mbylljen.

Dyqanet e mishit, prodhuesit e çimentos, prodhuesit e plastikës të gjithë kanë raportuar të njëjtin problem, duke raportuar se cmimet duhet të pësojnë një rritje prej 30% përndryshe bizneset do të falimentojnë.

E njëjta gjë edhe në Bosnjë, ku Shoqata e Punonjësve dhe përfaqësuesit e Korporatës Elektro energjetike në vend pas një takimi bilateral midis tyre parashikuan rritje çmimi të energjisë nga 70 – 120%, gjë e cila sipas tyre do kishte pasoja shkatërruese në ekonomitë e familjeve.

Burimi: Balkan Green Energy News

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0