Rinis kontrolli teknik i automjeteve - Business Magazine Albania

Rinis kontrolli teknik i automjeteve

Shërbimi teknik i mjeteve rrugore ka rinisur pas një ndërprerje disa mujore. Drejtoria e Përgjithshme e Shërbimit të Transportit Rrugor ka njoftuar këtë, duke nisur fillimisht me shërbimin e kamionëve, rimorkiove dhe tërheqësit, të cilëve u ka skaduar certifikata e kontrollit teknik lëshuar nga SGS. Krahas këtyre, nis kontrolli për mjetet në pronësi të institucioneve shtetërore.

Sipas drejtorisë, të gjitha mjetet, pavarësisht nëse preken apo jo nga ndryshimet e shërbimit të kontrollit teknik, duhet të vijojnë të paguajnë rregullisht taksat vjetore të mjeteve në afatet ekzistuese, pranë drejtorive rajonale e nënzyrave të DPSHTRR ose online, përmes e-Albania.

Tarifat ekzistuese nuk ndryshojnë sipas njoftimit. Njoftimi i Shërbimit të Transportit Rrugor ka risjellë në vëmendje procedurat e kolaudimit:

Autovetura dhe mjete të reja (0 km) nuk kolaudohen 3 vitet e para! (çdo mjet tjetër i ri nuk kolaudohet vitin e parë).

Lexo: Tregu i automobilave në Europë, shitjet bien 24% ndaj një viti më parë

Mjetet me km, autovetura e motomjete kolaudohen çdo 2 vjet!

Taksi, autoshkolla, mjete transporti udhëtarësh (Autobus), mjete transporti special, ambulanca dhe mjete transporti mallrash kolaudohen çdo 1 vit!

Afatet e reja do t’i njihen çdo mjeti me certifikatë kolaudimi që ka datë skadence pas datës 23.12.2020! (Mjetet e regjistruara për herë të parë të reja do të përfitojnë gjithashtu periudhën përkatëse pa detyrim kolaudimi).

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0