Airbnb tha se kërkesa për udhëtime mbetet e lartë, pavarësisht shqetësimeve rreth ngadalësimit ekonomik dhe rritjes së çmimeve që godasin familjet. Gati 104 milionë netë u rezervuan në platformë në periudhën prill-qershor, një rekord i lartë për faqen e internetit të akomodimit.
Qëndrimet afatgjata vazhduan të ishin lloji i udhëtimit me rritje më të shpejtë, një ndryshim i nxitur nga rritja e punës në distancë. Por udhëtimet ndërkombëtare dhe ato të ndërqytetase, të cilat kishin ngecur, gjithashtu janë rikuperuar. Kompania tha se ishte tani në mes të sezonit të saj më të fortë dhe deri më tani dhe i siguroi investitorët se ishte e përgatitur mirë për çdo gjë që mund të godiste ekonominë.
Në përgjithësi, prenotimet në periudhën prill-qershor u rritën 25% nga viti i kaluar në 103.7 milionë dhe 24% më shumë nga 2019. Çmimet më të larta ndihmuan në ngritjen e të ardhurave të kompanisë, të cilat u rritën 58% nga viti i kaluar në 2.1 miliardë dollarë. Gati gjysma e rezervimeve të kompanisë janë për një javë ose më gjatë, tha kompania.
Kërkesa për udhëtime mbetet më e fortë në Amerikën e Veriut, ku rezervimet janë rritur me 37% krahasuar me 2019. Shefi ekzekutiv Brian Chesky tha se kompania tani kishte arritur “rritje dhe përfitime” dhe tha se firma do të vazhdojë të investojë në biznes dhe do të shpenzojë 2 miliardë dollarë për blerjen e aksioneve të veta, të cilat kanë rënë këtë vit. Drejtuesit thanë se programi i blerjes ishte një shenjë e besimit të tyre në të ardhmen e kompanisë. Kompania raportoi një fitim prej 379 milion dollarë, krahasuar me një humbje prej 68 milion dollarë vitin e kaluar.bbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
