Raporti i konferencës "Migracioni dhe Diaspora: Ngushtimi i hendekut mes Kërkimit dhe Politikave" - Business Magazine Albania

Raporti i konferencës “Migracioni dhe Diaspora: Ngushtimi i hendekut mes Kërkimit dhe Politikave”


Qëllimi i konferencës ishte për të sjellë së bashku dijetarët, sipërmarrësit, shoqërinë civile dhe krijuesit e politikave që kanë të bëjnë me çështjet e migracionit, që të kuptohen gjerësisht, nga Shqipëria, Kosova, Finlanda dhe vendet pritëse të Diasporës shqiptare, të tilla si Zvicra, Gjermania, Italia dhe Greqia. Qëllimi kryesor i këtij aktiviteti ishte që të bëhet një pikë kontakti dhe lidhje e dijetarëve të interesuar në temat e konferencës dhe në të njëjtën kohë sjell së bashku përpjekjet, sfidat dhe zgjidhjet që vijnë nga multi-aksionerët në fushën e çështjeve të migracionit të tilla si aktorët e politikave, hulumtuesit, sipërmarrësit, aktivistët e shoqërisë civile.

Fjalimi mikpritës i Konferencës Ndërkombëtare u mbajt nga Prof. Dr. Shaban Buza, rektori i UGjFA dhe Prof. Ass. Dr. Mimoza Dushi, Koordinatore e Konferencës dhe Hulumtuese e Projektit ICM. Z. Janez Frrokaj, zëvendësministri i Diasporës, Kosova mbajti një fjalim mbi politikat për zhvillimin e Diasporës dhe përpjekjet për koordinim më të mirë mes aktorëve të ndryshëm që punojnë në zhvillimin e Diasporës. Dr. Erka Caro, ndihmoi në moderimin e konferencës për ditën e parë.

Fjalimi kryesor u drejtua nga Prof. Nathan Lillie, Profesor i Politikës Sociale, në Universitetin e Jyväskylä, Finlandë. Fjalimi i Prof. Lillie ishte mbi “Arkëtimin në prapambetje: emigrantët e punës, hegjemoninë e tregut dhe vetëdijen false”.

Konferenca vazhdoi me dy panele të ndërlidhura. Paneli i parë ishte mbi “Perspektivat e diasporës shqiptare: Sfidat, strategjitë dhe rezultatet”, moderuar nga Gerti Boshnjaku, CEO i Business Magazine Albania dhe Drejtori i Startup Grind Tirana, ku të ftuar ishin dy sipërmarrës të suksesshëm nga diaspora shqiptare në Kosovë, Mrs.Drenusha Shala, themeluese e Baruti GmbH dhe Edi Demaj, themeluesi i Rocket Fiber Internet, SHBA dhe partner në Gjirafa.com. Çështjet kryesore që u sollën në këtë panel ishin të lidhura me betejat dhe sfidat me të cilat sipërmarrësit e diasporës po përballen kur investojnë përsëri në shtëpitë e tyre, përpjekjet e tyre për të ndërtuar urat e sipërmarrjes ndërkombëtare me vendet e origjinës dhe atyre pritëse. Ata kontribuojnë nëpërmjet transferimit të njohurive, si psh duke e çuar kapitalin e tyre njerëzor, idetë e reja dhe praktikat tregtare, aftësitë inovative teknologjike dhe idetë e sipërmarrjes, duke sjellë një kulturë të re pune nëpërmjet kontribimit në zhvillimin e vendeve të tyre.

Paneli i dytë u mor me çështjen e “Diasporës dhe Zhvillimit: Tejkalimin e hendekut mes hulumtimit, shoqërisë civile dhe hartuesve të politikave”dhe u moderua nga Ilir Gedeshi, Drejtor i Qendrës për Studime Ekonomike dhe Sociale, Tiranë. Folësit e këtij paneli ishin Osman Osmani , UNIA, Zvicër, Shukrije Ramadani, Ministrja e Diasporës, Zvicër; FahrijeTernava, Ministrja e Punëve të Brendshme, Kosovë dhe Elvira Fetahu, Universiteti i Bolonjës, Itali.

Dita e dytë e Konferencës u dha një mundësi hulumtuesve në fushën e migrimit për të përfaqësuar rezultatet e tyre.

Për të parë raportin e plotë: Raport-ICM-konferenca-10-11-Nov-2016.

burimi: ishep-albania.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0